MS Dhoni Donald Trump,ડોનાલ્ડ ટ્રમ્પ પણ છે ધોનીના ફેન! અમેરિકામાં ભૂતપૂર્વ ભારતીય કેપ્ટન સાથે રમ્યા ગોલ્ફ – ms dhoni spotted playing golf with former us president donald trump

ભારતીય ક્રિકેટ ટીમનો ભૂતપૂર્વ કેપ્ટન અને અનુભવી વિકેટ કીપર બેટ્સમેન મહેન્દ્ર સિંહ ધોની IPL 2023 બાદ ક્રિકેટથી દૂર જોવા મળી રહ્યો છે. ક્રિકેટમાંથી વિદાય લઈને તે અલગ-અલગ જગ્યાએ ફરે છે અને મુક્તપણે પોતાના જીવનનો આનંદ માણી રહ્યો છે. માહીના ચાહકોની કોઈ કમી નથી. ધોની જ્યાં પણ જાય છે, તેને ઘણો પ્રેમ મળે છે. હવે અમેરિકાના ભૂતપૂર્વ રાષ્ટ્ર પ્રમુખ ડોનાલ્ડ ટ્રમ્પ પણ ધોનીના ફેન બની ગયા છે. હાલમાં ધોની અમેરિકામાં છે અને રજાઓ માણી રહ્યો છે. આ દરમિયાન ટ્રમ્પે માહીને ગોલ્ફ ગેમ માટે હોસ્ટ કર્યો હતો. ટ્રમ્પ અને ધોનીનો એક ફોટો પણ સોશિયલ મીડિયા પર વાયરલ થઈ રહ્યો છે. જેમાં તે ડોનાલ્ડ ટ્રમ્પ સાથે જોવા મળે છે.
ધોની યુએસ ઓપન 2023માં જોવા મળ્યો હતો
હાલમાં વર્ષની અંતિમ ગ્રાન્ડ સ્લેમ ટેનિસ ટુર્નામેન્ટ યુએસ ઓપન 2023 રમાઈ રહી છે. ધોની ત્યાં મેચ જોવા માટે પણ ગયો હતો. ધોનીએ કાર્લોસ અલ્કારાઝ અને ઝવેરેવ વચ્ચે રમાયેલી ક્વાર્ટર ફાઈનલ મેચ જોઈ હતી. સ્પેનના અલ્કારાઝે આ મેચ જીતીને સેમી ફાઈનલમાં જગ્યા બનાવી લીધી છે. આ મેચ જોવા એમએસ ધોની પણ આવ્યો હતો. સોશિયલ મીડિયા પર મેચ સાથે જોડાયેલો એક વીડિયો પણ વાયરલ થઈ રહ્યો છે, જેમાં મહેન્દ્ર સિંહ ધોની જોવા મળી રહ્યો છે.

ધોનીએ IPL 2023માં ચેન્નાઈને પાંચમું ટાઈટલ જીત્યું હતું
IPL 2023માં મહેન્દ્ર સિંહ ધોનીની કેપ્ટન્સીમાં ચેન્નાઈ સુપર કિંગ્સે પાંચમું ટાઈટલ જીતીને મુંબઈ ઈન્ડિયન્સની બરાબરી કરી લીધી હતી. માહીની કેપ્ટનશીપમાં ચેન્નઈ સુપર કિંગ્સે તેના તમામ ટાઈટલ જીત્યા છે. એવી અપેક્ષા હતી કે ધોની તેની છેલ્લી IPL રમી રહ્યો છે. પરંતુ ફાઈનલ બાદ ધોનીએ કહ્યું હતું કે જો તે ફિટ રહેશે તો IPL 2024માં પણ ચોક્કસપણે રમશે. ધોનીની કારકિર્દીની વાત કરીએ તો તેણે ભારત માટે 90 ટેસ્ટ, 350 વનડે અને 98 ટી20 મેચ રમી છે. તેણે ટેસ્ટમાં 4876 રન, વનડેમાં 10773 રન અને ટી20માં 1617 રન નોંધાવ્યા છે. ધોનીની આગેવાનીમાં ભારતે ટી20 વર્લ્ડ કપ, વન-ડે વર્લ્ડ કપ અને ચેમ્પિયન્સ ટ્રોફી જીતી છે.