હવે IamGujarat સાથે વોટ્સએપ પર જોડાઓ અને મેળવો દરેક મહત્વના સમાચાર
RCBની હાર બાદ જમીન પર સૂઈ ગયો સિરાજ
તેના ચહેરા પરથી સ્પષ્ટ છે કે તેણે આખી સિઝન દરમિયાન તેની ટીમ માટે સખત મહેનત કરી પરંતુ તેમ છતાં ટીમ પ્લેઓફમાં પહોંચી શકી નહીં. ગુજરાત સામેની અંતિમ લીગ મેચમાં મોહમ્મદ સિરાજ સૌથી સફળ બોલર હતો, તેણે તેની ચાર ઓવરના સ્પેલમાં બે વિકેટ ઝડપી હતી. આ સમગ્ર સિઝનની વાત કરીએ તો, તે RCB માટે 14 મેચમાં કુલ 19 વિકેટ લેવામાં સફળ રહ્યો.
આ મેચમાં વિરાટ કોહલી અને શુભમને સદી ફટકારી હતી
RCB અને ગુજરાત વચ્ચેની મેચમાં બંને ટીમો તરફથી એક-એક સદી આવી. RCB માટે વિરાટ કોહલીએ જોરદાર સદી ફટકારી હતી. IPLમાં વિરાટની આ સાતમી સદી હતી. તેની સદીના કારણે આરસીબી 20 ઓવરમાં 197 રન બનાવી શકી હતી. બીજી તરફ ગુજરાત તરફથી શુભમન ગિલ 52 બોલમાં 104 રન બનાવીને અણનમ રહ્યો હતો. આ ઇનિંગમાં શુભમને 5 ફોર અને 8 સિક્સ પણ ફટકારી હતી.
ગુજરાતે આ મેચ 6 વિકેટે જીતી લીધી
મેચ ગુજરાતે ટોસ જીતીને આરસીબીને પ્રથમ બેટિંગ માટે આમંત્રણ આપ્યું હતું. વિરાટ કોહલી અને કેપ્ટન ફાફ ડુ પ્લેસિસે પણ RCB માટે જોરદાર ઇનિંગ્સ રમી હતી. જેના કારણે ટીમે ગુજરાત સામે 198 રનનો લક્ષ્યાંક રાખ્યો હતો. જોકે, આરસીબીના બોલરો આ લક્ષ્યનો બચાવ કરી શક્યા ન હતા અને ગુજરાતે 5 બોલ બાકી રહેતા 6 વિકેટે મેચ જીતી લીધી હતી.
પ્લેઓફમાં પહોંચનારી ટીમો
ડિફેન્ડિંગ ચેમ્પિયન ગુજરાત ટાઇટન્સ 14માંથી 10 મેચ જીતીને 20 પોઈન્ટ સાથે પોઈન્ટ ટેબલમાં ટોચ પર છે. આ સાથે જ CSKની ટીમ 17 પોઈન્ટ સાથે બીજા સ્થાને છે. આ સિવાય લખનૌના પણ 17 પોઈન્ટ છે અને તે ટેબલમાં ત્રીજા સ્થાને છે, જ્યારે મુંબઈ 16 પોઈન્ટ સાથે પ્લેઓફમાં પહોંચનારી ચોથી ટીમ બની ગઈ છે.