joginder sharma, મોત સામે જંગ લડી રહ્યા છે વર્લ્ડ ચેમ્પિયન ક્રિકેટરના પિતા, સલામતી માટે કરી પ્રાર્થના – ex cricketer joginder sharmas father battling against cancer

ભારતીય ક્રિકેટર જોગીન્દર શર્મા ભારત માટે માત્ર 8 આંતરરાષ્ટ્રીય મેચ રમ્યો છે. તેની છેલ્લી આંતરરાષ્ટ્રીય મેચ 2007 T20 વર્લ્ડ કપની ફાઈનલ હતી. જ્યાં તેણે પાકિસ્તાનની છેલ્લી વિકેટ લઈને ભારતને વર્લ્ડ ચેમ્પિયન બનાવ્યું હતું. આ કારણથી કોઈ પણ ક્રિકેટ ચાહક જોગીન્દર શર્માનું નામ ક્યારેય ભૂલી શકશે નહીં. જોગીન્દર શર્માએ જ ભારત પર તે મેચમાં ભારે પડેલા મિસ્બાહ ઉલ હકની વિકેટ ઝડપી હતી અને ભારત ચેમ્પિયન બન્યું હતું. હરિયાણા પોલીસમાં ડીએસપી તરીકે કાર્યરત જોગીન્દર શર્મા મુશ્કેલ સમયમાંથી પસાર થઈ રહ્યો છે.

જોગીન્દરના પિતાને કેન્સર છે
ફાસ્ટ બોલર જોગીન્દર શર્માના પિતા કેન્સર સામે ઝઝૂમી રહ્યા છે. જોગીન્દરે તેના પિતા ઓમ પ્રકાશ શર્મા સાથેનો ફોટો સોશિયલ મીડિયા પર શેર કર્યો છે. જેમાં તેણે લખ્યું- હું જાણું છું કે મારા પિતા અમારા બધા કરતા વધુ મજબૂત છે. જલ્દી સ્વસ્થ થાઓ દોસ્ત. જોગીન્દર શર્માએ પોસ્ટમાં કેન્સર વિશે પણ લખ્યું છે. નોંધનીય છે કે જોગીન્દર શર્મા 2007 ટી20 વર્લ્ડ કપની ફાઈનલ બાદ એક પણ આંતરરાષ્ટ્રીય મેચ રમ્યો નથી.

જોગીન્દર શર્માએ આ વર્ષે ફેબ્રુઆરીમાં ક્રિકેટમાંથી નિવૃત્તિ લીધી હતી. તેણે તેની છેલ્લી પ્રોફેશનલ મેચ 2017માં જ રમી હતી. 2007 બાદ તેને ભારત તરફથી રમવાની તક મળી નથી. જોગીન્દર શ્મા વર્લ્ડ કપ બાદ જ હરિયાણા પોલીસમાં જોડાયો હતો. તેણે ભારત માટે ચાર વનડેમાં 35 રન અને એક વિકેટ ઝડપી છે. તેણે 4 ટી20માં 4 બેટ્સમેનોને આઉટ કર્યા હતા. 2004માં તેણે મહેન્દ્ર સિંહ ધોની સાથે ભારત માટે તેનું ડેબ્યુ કર્યું હતું. જાન્યુઆરી 2007માં ભારત માટે છેલ્લી વન-ડે રમવાની તક મળી. જોકે, જોગીન્દર શર્માને 2007 ટી20 વર્લ્ડ કપની ફાઈનલની અંતિમ ઓવર માટે યાદ રાખવામાં આવશે. તેણે જ મિસબાહને આઉટ કરીને ભારતને મેચ અને વર્લ્ડ કપ જીતાડ્યો હતો.