IND vs NZ 3rd ODI: ભારત બન્યું વન-ડેનું નવું કિંગ, ત્રીજી મેચમાં ન્યૂઝીલેન્ડને હરાવી સિરીઝ ક્લીન સ્વીપ કરી
કોહલી-રોહિત ઈશાન પર ગુસ્સે થયા
ચહલના આ બોલ પર કોન્વેએ મિડ-વિકેટની દિશામાં શોટ રમવાનો પ્રયાસ કર્યો પરંતુ બોલનો બેટ સાથે સંપર્ક થઈ શક્યો નહીં. આ દરમિયાન જ્યાં સુધી ઈશાન બોલને સ્ટમ્પિંગ માટે પકડી શકે તે પહેલા છટકી ગયો હતો. તેવામાં કોન્વેએ દોડીને એક રન બનાવી લીધો હતો. ઈશાને સ્ટમ્પિંગ છોડતા ચહલની સાથે રોહિત શર્મા અને વિરાટ કોહલી પણ ગુસ્સામાં જોવા મળ્યો. કારણ કે, તેમને જાણ હતી કે ટીમ માટે કોન્વેની વિકેટ કેટલી મહત્વની હતી. જીવનદાન મળ્યા બાદ તેણે માત્ર 71 બોલમાં સદી મારી હતી. તે અહીંયા અટક્યો નહીં અને બાદમાં સતત બોલરોની ખબર લેતો રહ્યો.
IND vs NZ: બેટથી ફ્લોપ સૂર્યાએ બનાવ્યો મોટો રેકોર્ડ, વિરાટ-રોહિત પણ પાછળ છૂટી ગયા!
રોહિત શર્મા-શુભમન ગિલનું શાનદાર પ્રદર્શન
આ પહેલા ન્યૂઝીલેન્ડની ટીમે ટોસ જીતીને પહેલા બોલિંગ કરવાનો નિર્ણય લીધો હતો. ટીમ ઈન્ડિયા માટે રોહિત શર્મા અને શુભમન ગિલે કમાલનું પ્રદર્શન કર્યું અને પહેલી વિકેટ માટે 212 રનની ભાગીદારી કરી. આ દરમિયાન રોહિત શર્માએ વનડે ક્રિકેટમાં 30મી સદી ફટકારી અને ઓસ્ટ્રેલિયાના પૂર્વ કેપ્ટન રિકી પોંટિંગની વનડેમાં 30 સદીની બરાબરી કરી.
હાર્દિક પંડ્યાએ ભજવી મહત્વની ભૂમિકા
રોહિત બાદ શુભમન ગિલે સદી ફટકારી અને 112 રન બનાવી આઉટ થયો. આ સીરિઝમાં બેવડી સદી બાદ તેની આ સૌથી મોટી ઈનિંગ હતી. અંતમાં હાર્દિક પંડ્યાએ પણ કમાલ કરી અને 38મા બોલમાં 54 રન બનાવી 50 ઓવરમાં ભારતનો સ્કોર 385 સુધી પહોંચાડવામાં મહત્વની ભૂમિકા ભજવી
Read latest Cricket News and Gujarati News