હાર્દિકે કર્યો ધોનીને ઈગ્નોર
ઓપનિંગ મેચમાં ટ્રોફી મૂકી બંને કેપ્ટનને એક જ સ્ટેજ પર બોલાવાયા હતા. તેમની સાથે BCCI અધ્યક્ષ રોજર બિન્ની, સેક્રેટરી જય શાહ અને IPL ચેરમેન અરૂણ ધૂમલ હાજર રહ્યા હતા. જોકે હાર્દિક પંડ્યાએ ટ્રોફી મૂકીને સૌથી પહેલા IPLના ચેરમેન અરુણ ધૂમલ સાથે હાથ મિલાવ્યો હતો. ત્યારપછી આગળ જતા જતા સ્ટેજ પર હાજર તમામ લોકો સાથે હાથ મિલાવ્યો હતો. આમ જોવા જઈએ તો સૌથી પહેલા ધોની ઉભો હતો પરંતૃ હાર્દિકે તેની સાથે આ સમયે હાથ નહોતો મિલાવ્યો.
ફેન્સ ગુસ્સાથી લાલચોળ થયા
હાર્દિક પંડ્યા ત્યારપછી આગળને આગળ જતો ગયો અને બધા સાથે હાથ મિલાવ્યા હતા. જેથી કરીને ફેન્સ નારાજ થઈ ગયા કે ધોની સૌથી પહેલા ઉભો હતો તો એની સાથે કેમ હાર્દિકે હાથ મિલાવ્યો નથી. આ ઘટનાનો વીડિયો અને ફોટોઝ પણ સોશિયલ મીડિયામાં વાઈરલ થઈ ગયા છે. જોતજોતામાં બંને કેપ્ટનના ફેન્સ પણ સામ સામે આવી ગયા છે. જોકે આની પાછળનું સાચ્ચુ કારણ તો હજુ સુધી બહાર આવ્યું નથી.
ધોની અને પંડ્યા ખાસ મિત્રો છે
નોંધનીય છે કે મહેન્દ્ર સિંહ ધોની અને હાર્દિક પંડ્યા ખાસ મિત્રો છે. તેવામાં સ્ટેજ પર જે ઘટના થઈ એનાથી બંને ખેલાડીઓના ફેન્સ પણ નારાજ થઈ ગયા છે. જોકે લાઈવ મેચ દરમિયાન બંને ખેલાડીઓ એકબીજા સાથે કૂલ ઝોનમાં જ હતા. એકબીજાની મસ્તી પણ કરતા હતા. તેવામાં જોવા જઈએ તો હાર્દિકે કેમ ધોનીને ઈગ્નોર કર્યો એનો જવાબ ફેન્સ પણ શોધી રહ્યા છે. જોકે આ મેચ ગુજરાત ટાઈટન્સે 5 વિકેટથી જીતી લીધી છે.