- ગ્રુપની વાત કરીએ તો Aમાં – ભારત, પાકિસ્તાન અને નેપાળ છે જ્યારે ગ્રુપ Bમાં – શ્રીલંકા, બાંગ્લાદેશ અને અફઘાનિસ્તાન છે.
શ્રીલંકામાં 9 મેચ આયોજિત થશે
છ ટીમોની વન-ડે ટૂર્નામેન્ટ 30 ઓગસ્ટે મુલતાનમાં શરૂ થશે જેમાં યજમાન પાકિસ્તાન નેપાળનો સામનો કરશે. એશિયા કપ ‘હાઈબ્રિડ મોડલ’ પર રમાઈ રહ્યો છે જેમાં ચાર મેચ પાકિસ્તાનમાં રમાઈ રહી છે જ્યારે ફાઈનલ સહિત અન્ય નવ મેચો શ્રીલંકાના કેન્ડી અને કોલંબોમાં યોજાશે. ફાઈનલ 17 સપ્ટેમ્બરે પ્રેમદાસા સ્ટેડિયમમાં રમાશે. ભારત ઉપરાંત પાકિસ્તાન અને નેપાળ ગ્રૂપ-એમાં સામેલ છે જ્યારે અફઘાનિસ્તાન, શ્રીલંકા અને બાંગ્લાદેશ ગ્રૂપ-બીમાં છે.
એશિયા કપ હાઈબ્રિડ મોડલ પર રમાશે
ACC પ્રમુખ જય શાહે એક રિલીઝમાં જણાવ્યું હતું કે પ્રથમ રાઉન્ડ પછી, પાકિસ્તાન A1 રહેશે અને ભારત A2 ટીમ રહેશે, તેમની સ્થિતિને ધ્યાનમાં લીધા વગર જો આ બેમાંથી કોઈ ટીમ ક્વોલિફાય નહીં થાય તો નેપાળ તેનું સ્થાન લેશે. એ જ રીતે ગ્રુપ-બીમાં શ્રીલંકાની ટીમ B1 અને બાંગ્લાદેશ B2 ટીમ હશે. જો આમાંથી કોઈ પણ ટીમ સુપર ફોરમાં સ્થાન નહીં મેળવે તો અફઘાનિસ્તાન તેનું સ્થાન લઈ લેશે. પાકિસ્તાન અગાઉના સમયપત્રક મુજબ આ વર્ષે એશિયા કપનું આયોજન કરવાનું હતું પરંતુ ભારતીય ક્રિકેટ બોર્ડે સરહદ પાર ટીમ મોકલવાનો ઇનકાર કર્યા બાદ તે ‘હાઈબ્રિડ મોડલ’ પર યોજાઈ રહ્યું છે.
સપ્તાહમાં ત્રણ વખત ટક્કર થશે
જો ભારત અને પાકિસ્તાન એક જ ગ્રુપમાં હશે તો બંને ટીમોની પ્રથમ ટક્કર ગ્રુપ સ્ટેજમાં જ થશે. આ પછી સુપર-4 રાઉન્ડમાં બંને ટીમો સામસામે આવી શકે છે. જો પાકિસ્તાન સુપર-4 માટે ક્વોલિફાય થશે તો તેને A1 ગણવામાં આવશે અને ભારત A2 ગણાશે. ટીમોની વર્તમાન રેન્કિંગ અને લેવલને જોતા એવું માની શકાય છે કે માત્ર ભારત, પાકિસ્તાન, બાંગ્લાદેશ અને શ્રીલંકા જ સેમિફાઈનલમાં જશે, આ રીતે ભારત અને પાકિસ્તાન વચ્ચેની ત્રીજી મેચ એશિયાની ફાઈનલ બની શકે છે. આ રીતે અનુમાન લગાવાયું છે કે ભારત અને પાકિસ્તાન વચ્ચે એક સપ્તાહમાં 3 મેચ રમાઈ શકે છે.