મેલબોર્ન: ટી-20 વર્લ્ડ કપ (T20 World Cup)ની પોતાની પહેલી મેચમાં પાકિસ્તાન (Ind vs Pak)ને ભારતની સામે 4 વિકેટ હાર મળી. મેચની છેલ્લી ઓવરમાં જોરદાર ડ્રામા થયો હતો. ભારતને છેલ્લા ત્રણ દડામાં જીત માટે 13 રન જોઈતા હતા. મોહમ્મદ નવાઝના નો બોલ પર વિરાટ કોહલીએ છગ્ગો ફટકારી દીધો. ફ્રી હિટ પર વિરાટ કોહલી બોલ્ડ થઈ ગયો, પરંતુ દડો થર્ડ મેન તરફ જતો રહ્યો. ભારતીય બેટ્સમેનોએ ભાગીને ત્રણ રન લઈ લીધા. તે પછી સતત પાકિસ્તાનના ફેન્સ અમ્પાયરિંગ સામે સવાલ ઉઠાવી રહ્યા છે. તેમનું કહેવું છે કે, વિકેટને અડ્યા પછી દડો ડેડ જાહેર કરવો જોઈતો હતો.
સાઈમન ટોફેલે ભણાવ્યો પાઠ
ઓસ્ટ્રેલિયાના સાઈમન ટોફેલે (Simaon Taufel)ની ગણતરી ક્રિકેટ ઈતિહાસના સૌથી બેસ્ટ એમ્પાયરમાં થાય છે. તેમણે આ વિવાદ પર પોતાનો મત જણાવ્યો છે. ટોફેલે લિંક્ડઈન પર લખ્યું કે, ‘એમસીજીમાં ભારત વિરુદ્ધ પાકિસ્તાન મેચ રોમાંચક રીતે ફિનિશ થયા પછી, ઘણા લોકોએ મને કોહલી ફ્રી હિટ પર આઉટ થયા પછી ભારત દ્વારા બનાવાયેલા બાયના રનને સમજાવવા કહ્યું છે.’
સાઈમન ટોફેલે ભણાવ્યો પાઠ
ઓસ્ટ્રેલિયાના સાઈમન ટોફેલે (Simaon Taufel)ની ગણતરી ક્રિકેટ ઈતિહાસના સૌથી બેસ્ટ એમ્પાયરમાં થાય છે. તેમણે આ વિવાદ પર પોતાનો મત જણાવ્યો છે. ટોફેલે લિંક્ડઈન પર લખ્યું કે, ‘એમસીજીમાં ભારત વિરુદ્ધ પાકિસ્તાન મેચ રોમાંચક રીતે ફિનિશ થયા પછી, ઘણા લોકોએ મને કોહલી ફ્રી હિટ પર આઉટ થયા પછી ભારત દ્વારા બનાવાયેલા બાયના રનને સમજાવવા કહ્યું છે.’
સાઈમન ટોફેલે તેને સમજાવતા લખ્યું કે, – દડો સ્ટમ્પ્સને અથડાઈને થર્ડ મેન તરફ ગયો અને બેટ્સમેનોએ દોડીને ત્રણ રન લીધા પછી અમ્પાયર દ્વારા બાયનો સંકેત આપવાનો નિર્ણય યોગ્ય હતો. ફ્રી હિટ પર સ્ટ્રાઈકર બોલ્ડ થાય તો પણ આઉટ ગણાતો નથી અને એટલે વિકેટ પર દડો અથડાઈને પણ તે ડેડ નથી થતો. દડો તે પછી પણ ખેલમાં રહેશે.
સતત 5 વર્ષ બેસ્ટ અમ્પાયર રહ્યા
ઓસ્ટ્રેલિયાના 51 વર્ષના સાઈમન ટોફેલ સતત 5 વર્ષ દુનિયાના બેસ્ટ અમ્પાયર પસંદ કરાયા હતા. તેમને 2004થી 2008 સુધી સતત આ એવોર્ડ મળ્યો. તે સૌથી વધુ આ એવોર્ડ જીતનારા એમ્પાયર પણ રહ્યા. 1999માં માત્ર 29 વર્ષની ઉંમરે તેમણે પહેલી વખત ઈન્ટરનેશનલ મેચમાં મેદાન પર ઉતર્યા હતા. તે પછી તેમણે આઈસીસીમાં અમ્પાયરોને ટ્રેનિંગ પણ આપી.