રોહિત શર્માની છેલ્લી 10 ODI ઇનિંગ્સ
78
4
54
124*
104
16
2
208*
7
103
ઉભા ઉભા પૂલ શોટ
ટોસ હાર્યા બાદ ભારત પ્રથમ બેટિંગ કરવા આવ્યું ત્યારે રોહિત શર્મા અને શુભમન ગીલે ટીમને તોફાની શરૂઆત અપાવી હતી. 143 રનની ઓપનિંગ પાર્ટનરશિપ થઈ હતી. રોહિત અને શુભમન બંને વચ્ચે ચોગ્ગા અને છગ્ગા ફટકારવાની સ્પર્ધા ચાલી રહી હતી. પહેલા રોહિતે ફિફ્ટી ફટકારી હતી. બાદમાં શુભમને અડધી સદી ફટકારી હતી. એટેકની જવાબદારી ખુદ કેપ્ટન રોહિતે સંભાળી હતી. આ દરમિયાન 7મી ઓવરમાં ફાસ્ટ બોલર કસુન રાજિતાની ધોલાઈ થઈ હતી. તેણે બીજા અને ચોથા બોલ પર સિક્સર અને પછીના બોલ પર ચોગ્ગો ફટકાર્યો. બાદમાં પોઝીશનમાં આવી ગયો અને ઉભા રહીને પોતાનો સિગ્નેચર પુલ શોટ માર્યો.
શુભમન ગીલે પણ આપ્યો સાથ
ઉલ્લેખનીય છે કે ગુવાહાટીના બરસાપારા ક્રિકેટ સ્ટેડિયમમાં ભારત સામે ટોસ જીત્યા બાદ શ્રીલંકાએ પહેલા બોલિંગ કરવાનો નિર્ણય કર્યો હતો. તેની સામે રોહિત શર્મા અને શુભમન ગિલની જોડી પ્રથમ વખત ઓપનિંગ કરવા ઉતરી હતી. બંનેએ શાનદાર શરૂઆત કરી અને 19.4 ઓવરમાં એકપણ વિકેટ ગુમાવ્યા વિના 143 રનની ભાગીદારી નોંધાવી. ગિલને કેપ્ટન દાસુન શનાકાએ LBW આઉટ કર્યો હતો. તે 60 બોલમાં 11 ચોગ્ગાની મદદથી 70 રન બનાવીને આઉટ થયો હતો.