શું ટીમ ઈન્ડિયામાં ફેરફાર કરવામાં આવશે?
ટુર્નામેન્ટમાં પાકિસ્તાન સામે જીત બાદ ભારતીય ટીમમાં નેધરલેન્ડ સામેની મેચમાં કોઈ ફેરફાર કરવામાં આવ્યા નહોતા. સાઉથ આફ્રિકા સામેની પ્લેઈંગ ઈલેવનમાં કેએલ રાહુલની જગ્યાએ રિષભ પંત પર વિચા કરવામાં આવી શકે છે. જોકે, બેટિંગ કોચ વિક્રમ રાઠોડે આમ કરવાનો ઈનકાર કરી દીધો છે, તેમણે જણાવ્યું કે રાહુલના સ્થાનને લઈને કોઈ ખતરો નથી.
પંતે પર્થમાં બેટિંગ માટે ઘણી પ્રક્ટિસ કરી છે. આવામાં જો કોઈ ફેરફાર થશે તો પંત ટોપ ઓર્ડરમાં બેટિંગ માટે ઉતરી શકે છે. આ સિવાય પંતને એક વધારાના બેટ્સમેન તરીકે પણ અંતિમ 11માં સામેલ કરવામાં આવી શકે છે.
તેનું કારણ પર્થની ઝડપી અને બાઉન્સિ પીચ છે, જેના પર સાઉથ આફ્રિકાની પેસ બેટરીને મદદ મળી શકે છે. આવામાં નીચલા ક્રમમાં રવિચંદ્રન અશ્વિન અને અક્ષર પટેલમાંથી કોઈ એકે બહાર થવું પડી શકે છે. આવામાં હાર્દિક પંડ્યાની જવાબદારી પાંચમા બોલર તરીકે થઈ જશે.
સાઉથ આફ્રિકામાં માર્કો જેનસનને મળી શકે છે તક
ભારત સામેની મેચમાં સાઉથ આફ્રિકાની ટીમ પોતાની ઝડપી બોલિંગ સાથે સારો ઉપયોગ કરવા માગશે. એનરિક નોર્ખિયા અને કગિસો રબાડા સાથે સારી ઊંચાઈ ધરાવતા માર્કો જેનસનને પણ પ્લેઈંગ 11માં સમાવવામાં આવી શકે છે. જ્યારે ટીમમાં વેન પર્નેલ જેવા બોલર પણ છે જે કટસ સાથે બેટ્સમેનોને આશ્ચર્યમાં મૂકવાનું કામ કરે છે.
સાઉથ આફ્રિકા સામે ભારતની સંભવિત પ્લેઈંગ-11
રોહિત શર્મા (કેપ્ટન), કેએલ રાહુલ/રિષભ પંત, વિરાટ કોહલી, સૂર્યકુમાર યાદવ, દિનેશ કાર્તિક, હાર્દિક પંડ્યા, અક્ષર પટેલ, રવિચંદ્રન અશ્વિન, ભૂવનેશ્વર કુમાર, મોહમ્મદ શમી અને અર્શદીપ સિંહ