શું છે રાઉન્ડ રોબિન ફોર્મેટ?
આઈસીસી વર્લ્ડ કપ અત્યાર સુધીમાં બે વખત રાઉન્ડ રોબિન ફોર્મેટમાં રમાયો છે. રાઉન્ડ રોબિન ફોર્મેટમાં બધી ટીમો લીગ સ્ટેજમાં એકબીજાની સામે ટકરાય છે. એવામાં જો કુલ 10 ટીમો છે, તો બધી ટીમો લીગ તબક્કામાં 9-9 મેચો રમશે. તે ઉપરાંત દરેક ટીમને મેચ જીતવા પર બે-બે પોઈન્ટ્સ મળે છે અને ડ્રો, ટાઈ કે પછી મેચ રદ થવાની સ્થિતિમાં એક-એક પોઈન્ટ આપવામાં આવે છે.
તો, પોઈન્ટ્સ ટેબલમાં ટોપની ચાર ટીમો સેમીફાઈનલમાં પહોંચે છે. પહેલી સેમીફાઈનલ મેચ પોઈન્ટ્સ ટેબલમાં પહેલા અને ચોથા સ્થાને રહેનારી ટીમો વચ્ચે રમાય છે. તો, બીજી સેમીફાઈનલ મેચ બીજા અને ત્રીજા સ્થાને આવનારી ટીમો વચ્ચે થાય છે.
રાઉન્ડ રોબિનમાં ભારતનું પ્રદર્શન
1992 અને 2019નો વર્લ્ડ કપ રાઉન્ડ રોબિન ફોર્મેટમાં રમાયો હતો. 1992ના વર્લ્ડ કપમાં તો ટીમ ઈન્ડિયાની હાલત ઘણી ખરાબ રહી હતી અને સેમીફાઈનલમાં પણ પહોંચી શકી ન હતી. તો, 2019ના વર્લ્ડ કપમાં ભારતે સેમીફાઈનલમાં ન્યૂઝીલેન્ડને હરાવ્યું હતું.
જોકે, 2023નો વર્લ્ડ કપ ભારતમાં રમાવાનો છે, એવામાં હોમ ગ્રાઉન્ડ પર ટીમ ઈન્ડિયાની દાવેદારી સૌથી મજબૂત છે. ટીમ ઈન્ડિયા છેલ્લે 2011માં રમાયેલા વર્લ્ડ કપમાં ચેમ્પિયન બની હતી, જેનું આયોજન ભારતમાં જ થયું હતું. આ વખતે ફાઈનલ સહિત મહત્વની મેચો અમદાવાદના નરેન્દ્ર મોદી સ્ટેડિયમમાં રમાવાની છે. આ ક્રિકેટ સ્ટેડિયમ દુનિયાનું સૌથી મોટું સ્ટેડિયમ છે. આ સ્ટેડિયમમાં એક સાથે 1,32,000 પ્રેક્ષકો બેસી શકે તેટલી ક્ષમતા છે.