Hardik Pandya, IPL 2023માં Gujarat Titansએ બીજીવાર ચાખ્યો હારનો સ્વાદ, કેપ્ટન Hardik Pandyaએ બોલર્સને ગણાવ્યા જવાબદાર – hardik pandya shares bowlers of the team did not perform will after loosing match against rajasthan royals

હાર બાદ બોલર્સ પર બગડ્યો હાર્દિક પંડ્યા
મેચમાં હાર મળ્યા બાદ ઉગ્ર સ્વભાવ માટે જાણીતો GTનો કેપ્ટન હાર્દિક પંડ્યા બોલર પર વરસી પડ્યો હતો. તેણે કહ્યું હતું કે, ‘પાવરપ્લે બાદ અમે હારની આશા રાખી નહોતી. પરંતુ બોલરે સારું પ્રદર્શન કર્યું નહોતું. ગેમ ખતમ થયા પહેલા ક્યારેય ખતમ થતી નથી અને આ એક એવો પાઠ છે જે અમારી ટીમના દરેક ખેલાડીઓએ શીખવાની જરૂર છે. નૂર અહમદ એક એવો બોલર છે જેને પસંદ કરવો મુશ્કેલ છે. તેણે અમને મોટી સફળતા અપાવી પરંતુ અન્ય બોલરોએ બાદમાં સારું પ્રદર્શન કર્યું નહીં. મારું શરીર ફિટ છે. આ એક લાંબી ટુર્નામેન્ટ છે. ઘણી મેચ હજી રમવાની બાકી છે અને અમારે હજી પણ ઘણી ગ્રુપ ક્રિકેટ મેચની જરૂર છે. મારા આઉટ થયા બાજ તેમણે કેટલીક સારી ઓવર ફેંકી હતી પરંતુ અમારે થોડી વધારે મહેનત કરવાની જરૂર હતી અને 200 રન કરવાના હતા’.

RRના કેપ્ટન સંજુ સેમસનના કર્યા વખાણ
હાર્દિક પંડ્યાએ રાજસ્થાન રોયલ્સના કેપ્ટન સંજુ સેમસનના વખાણ કરતાં કહ્યું હતું કે ‘સંજુ લાંબા સમય સુધી ટકેલો રહ્યો. તેણે રાશિદ ખાનની ઓવરમાં હસતા મોંએ ત્રણ છગ્ગા ફટકાર્યા હતા. બીજી તરફ સિમરન હેટમાયરે અલ્ઝારી જોસેફનો નિશાન બનાવ્યો હતો. ધ્રુવ પટેલ પણ સારા શોટ રમ્યો હતો. કુલ મળીને તેઓ અમારા કરતાં સારું રમ્યા હતા’.

IPL 2023: MIએ 5 વિકેટથી જીત મેચ, KKRને કચડી પોઈન્ટ ટેબલ પર ઉપર પહોંચી ટીમ

પોઈન્ટ ટેબલ પર ત્રીજા નંબર પર છે ગુજરાત ટાઈટન્સ
રાજસ્થાન રોયલ્સે રવિવારે ગુજરાત ટાઈટન્સને તેના જ ઘરઆંગણે ત્રણ વિકેટથી હરાવીને IPL 2023ના પોઈન્ટ ટેબલમાં પોતાની સ્થિતિ મજબૂત કરી લીધી હતી. IPL 2023ની 23મી મેચ બાદ રાજસ્થાન પાંચ મેચમાંથી ચાર જીત અને એક હાર બાદ આઠ પોઈન્ટ સાથે ટોપ પર છે. લખનઉ સુપર જાયન્ટ્સ પાંચથી ત્રણ જીત બાદ છ પોઈન્ટ સાથે ત્રીજા નંબર છે. રાજસ્થાન સામે હાર્યા બાદ 2022નું ચેમ્પિયન ગુજરાત ત્રીજા સ્થાન પર ટકેલું છે. ટીમના ખાતામાં પાંચ મેચમાંથી ત્રણ જીત અને બે હાર છે. પંજાબ કિંગ્સ પાંચ મેચમાંથી ત્રણમાં જીત અને બેમાં હાર સાથે ચોથા સ્થાન પર છે.

હાર્દિક પંડ્યાએ કર્યું આ કારનામું
રાજસ્થાન રોયલ્સ સામેની મેચમાં ગુજરાત ટાઈટન્સ તરફથી હાર્દિક પંડ્યાએ 19 બોલમાં 28 રન બનાવ્યા હતા, જેમાં ત્રણ ચોગ્ગા અને 1 છગ્ગો સામેલ છે. 16મો રન બનાવતાની સાથે જ તેણે IPLમાં 2 હજાર રન પૂરા કર્યા હતા. આ પહેલા તે 50 વિકેટ લઈ ચૂક્યો છે. હવે તે આઈપીએલમાં 2 હજારથી વધારે રન અને 50થી વધુ વિકેટ લેનારો છઠ્ઠો ખેલાડી બની ગયો છે. તેના પહેલા શેટ વોટસન, આંદ્રે રસેલ, જેક કેલિસ, કીરોન પોલાર્ડ અને રવીન્દ્ર જાડેજા આ કારનામું કરી ચૂક્યા છે.

Read latestCricket NewsandGujarati News