hardik pandya, IND vs NZ: મેચ ખતમ થયા બાદ લખનઉની પીચ પર ભડક્યો Hardik Pandya, કહ્યું ‘આ T20 માટે નથી બની’ – ind vs nz hardik pandya slams pitch and said it was a shocker of a wicket

પીચ પર ભડક્યો કેપ્ટન હાર્દિક પંડ્યા
મેચ ખતમ થયા બાદ હાર્દિક પંડ્યાએ કહ્યું હતું કે ‘મને હંમેશાથી વિશ્વાસ હતો કે અમે મેચ ફિનિશ કરવામાં સક્ષમ બનીશું, પરંતુ તેમા ઘણું મોડું થઈ ગયું હતું. આ તમામ મેચ પરિસ્થિતિને જોતાં મહત્વપૂર્ણ છે. તમારે ડરવાની જરૂર નથી, કારણ કે આ દબાણ લાવવાના બદલે સ્ટ્રાઈક રોટેટ કરવા વિશે હતું. અમે એમ જ કર્યું હતું. અમે બેઝિક્સ પર વધારે ધ્યાન આપ્યું હતું’. તો પીચ વિશે તેણે કહ્યું હતું ‘સાચું કહું તો એક-એક વિકેટ આઘાત આપનારી હતી. અત્યારસુધીમાં અમે જેટલી મેચ રમ્યા છીએ, મને મુશ્કેલ વિકેટથી કોઈ ફરક પડતો નથી. હું તેના માટે પૂરી રીતે તૈયાર હોવ છું, પરંતુ આ બંને વિકેટ ટી20 માટે બની બની. ક્યાંકને ક્યાંક ક્યૂરેટર અથવા જે મેદાનમાં અમે રમવા જઈ રહ્યા છીએ, તે પીચ સારી છે કે નહીં તેની ખાતરી પહેલા જ કરી લેવાની હોય છે. બાકીની બધી વાતોથી ખુશ છું’.

IND vs NZ: બીજી T20 મેચમાં ન્યૂઝીલેન્ડ સામે ભારતની જીત, સિરીઝ 1-1થી બરાબર

ફ્લોપ કર્યા ન્યૂઝીલેન્ડના બેટ્સમેન
ન્યૂઝીલેન્ડે પ્રથમ બેટિંગ કરવાનો નિર્ણય લીધો હતો પરંતુ ભારતીય સ્પિનરો સામે તેઓ ફ્લોપ રહ્યા હતા. 20 ઓવરમાં 8 વિકેટ પર 99 રન જ તેઓ બનાવી શક્યા હતા. ભારતીય બેટ્સમેનોએ પણ સ્પિન સામે સંઘર્ષ કરવો પડ્યો હતો. ટીમે 20મી ઓવરમાં 100 રનનો લક્ષ્યાંક મેળવ્યો હતો. વનડે સીરિઝમાં ધમાકેદાર પર્ફોર્મ આપનારો શુભમન ગિલ આ વખતે પણ ફ્લોપ રહ્યો હતો. 9 બોલમાં 11 રન બનાવ્યા બાદ ગિલ બ્રેસવેલના હાથે આઉટ થયો હતો. ઈશાન કિશને વિકેટ બચાવતો હતો પરંતુ તે સતત સંઘર્ષ કરી રહ્યો હતો. આ પછી પણ બેટ્સમેન ખુલીને રમી શક્યા ન હતા. સૂર્યકુમાર યાદવ અને વોશિંગ્ટન સુંદર વચ્ચે 20 રનની ભાગીદારી થઈ હતી. છેલ્લી ઓવરના 5માં બોલ પર સૂર્યાએ ચોગ્ગો ફટકારીને ભારતને જીત અપાવી હતી.

Read latest Cricket News and Gujarati News