હાર્દિક-નતાશાના લગ્ન માટે પરિવાર ઉત્સુક
હિન્દુસ્તાન ટાઈમ્સના અહેવાલ પ્રમાણે, કપલ ક્રિશ્ચન રિવાજો પ્રમાણે લગ્ન કરવાનું છે. અહેવાલમાં સૂત્રોના હવાલેથી ટાંકવામાં આવ્યું છે કે, “અગાઉ હાર્દિક અને નતાશાએ કોર્ટ મેરેજ કર્યા હતા. બધું જ ખૂબ ઉતાવળમાં થયું હતું. એટલે જ તેઓ ધામધૂમથી લગ્ન કરવા માગતા હતા. હવે જ્યારે લગ્નની ઘડી નજીક છે ત્યારે આખો પરિવાર ખૂબ ઉત્સાહિત છે.”
13-16 ફેબ્રુઆરી સુધી ચાલશે ફંક્શન્સ
રિપોર્ટ પ્રમાણે, હાર્દિક-નતાશાના વેડિંગ ફંક્શન 13 ફેબ્રુઆરીથી શરૂ થશે અને 16 ફેબ્રુઆરી સુધી ચાલશે. હાર્દિક-નતાશા ભલે ક્રિશ્ચન વેડિંગ કરવાના છે પરંતુ પ્રી-વેડિંગ ફેસ્ટિવલ્સ હિન્દુ રિવાજો પ્રમાણે થશે. એટલે કે, લગ્ન પહેલા પીઠી, મહેંદી અને સંગીત સેરેમની યોજાશે, તેમ સૂત્રોનું કહેવું છે. ગત વર્ષે નવેમ્બરથી જ લગ્નની તૈયારીઓ શરૂ થઈ ગઈ હતી. મીડિયા રિપોર્ટ પ્રમાણે, નતાશાએ લગ્ન માટે ડોલ્ચે એન્ડ ગબાના (Dolce and Gabana)ના વેડિંગ ગાઉન પર પસંદગી ઉતારી છે.
મે 2020માં કર્યા હતા કોર્ટ મેરેજ
ઉલ્લેખનીય છે કે, 29 વર્ષીય હાર્દિક પંડ્યા અને 30 વર્ષીય નતાશા સ્ટેનકોવિકે 31 મે 2020ના રોજ કોર્ટ મેરેજ કર્યા હતા. કપલના દીકરા અગસ્ત્યનો જન્મ 30 જુલાઈ 2020ના રોજ થયો હતો. 1 જાન્યુઆરી 2020ના રોજ જ હાર્દિકે નતાશાને લગ્ન માટે પ્રપોઝ કરી હતી.