હકિકતમાં ગંભીર વિશે એવું કહેવામાં આવી રહ્યું છે કે તે કોલકાતા નાઈટ રાઈડર્સ સાથે જોડાઈ શકે છે. ગંભીર આઈપીએલમાં કોલકાતા નાઈટરાઈડર્સની કેપ્ટનશિપ પણ કરી ચૂક્યો છે. ગૌતમ ગંભીરના નેતૃત્વમાં કોલકાતા નાઈટરાઈડર્સ 2012 અને 2014માં બે વખત ચેમ્પિયન બની હતી. ત્યારબાદ ટીમ એક વખત પણ ટાઈટલ જીતી શકી નથી.
મીડિયા રિપોર્ટ્સનું માનીએ તો ગંભીર અને કોલકાતા નાઈટરાઈડર્સ વચ્ચે વાતચીત ચાલી રહી છે. લખનૌના એક સૂત્રના જણાવ્યા અનુસાર, ગંભીરનું કોલકાતા નાઈટરાઈડર્સ સાથે ભાવનાત્મક જોડાણ છે. જોકે હજુ સુધી કંઈ નક્કી કરવામાં આવ્યું નથી, જે પણ નિર્ણય લેવાનો છે તે ગંભીર અને ટીમના માલિક સંજીવ ગોએન્કા લેશે, પરંતુ જસ્ટિન લેંગરના કોચ બન્યા બાદ ગંભીર વિશે થઈ રહેલા દાવાઓને બળ મળ્યું છે.
કોલકાતા નાઈટરાઈડર્સ માટે ખરાબ રહી હતી IPL 2023ની સિઝન
IPL 2023ની સિઝન કોલકાતા નાઈટરાઈડર્સ માટે ખૂબ જ નિરાશાજનક રહી હતી. નવા કેપ્ટન અને નવા કોચ હેઠળ ટીમ ખરાબ રીતે ફ્લોપ રહી. શ્રેયસ અય્યરની ઈજાને કારણે નીતીશ રાણાએ ટીમની કમાન સંભાળી હતી. આ સાથે જ ચંદ્રકાંત પંડિતને નવા કોચ બનાવવામાં આવ્યા હતા પરંતુ ટીમ પોઈન્ટ ટેબલમાં 7મા સ્થાને રહી હતી. બીજી તરફ ગૌતમ ગંભીરના મેન્ટરશીપ હેઠળ લખનૌની ટીમે સાતત્યપૂર્ણ પ્રદર્શન કર્યું છે. લખનૌએ સતત બીજી વખત પ્લેઓફમાં જગ્યા બનાવી, પરંતુ ચેમ્પિયન બની શક્યું નથી. આવી સ્થિતિમાં હવે કોલકાતા નાઈટરાઈડર્સ ગંભીરને પોતાની સાથે જોડવાનો પ્રયાસ કરી રહી છે.