ચેન્નઈની હાર પછી ધોનીએ શું કહ્યું!
ચેન્નઈ સુપર કિંગ્સના કેપ્ટન કૂલ મહેન્દ્ર સિંહ ધોનીએ હાર પછી મોટુ નિવેદન આપ્યું છે. 2022ની ચેમ્પિયન રહેલી ગુજરાત ટાઈટન્સ વિરૂદ્ધ પાંચ વિકેટથી હાર્યા બાદ ધોનીએ કહ્યું કે જો અમારી ટીમે 15થી 20 રન વધારે કર્યા હોત તો અમે આ મેચમાં જીત દાખવી શક્યા હોત.
ઉલ્લેખનીય છે કે મેચ મોડી શરૂ થઈ અને શરૂઆતમાં આ પિચ પર બોલ ફસાઈને આવતો હતો. જોકે મિડલ ઓવર્સનો જે પડાવ હતો એ પણ અમે યોગ્ય રીતે પૂરો નહોતા કરી શક્યા. તેથી કરીને અમે હારી ગયા.
ધોનીએ ઓપનરની કરી જોરદાર પ્રશંસા
ચેન્નઈ સુપર કિંગ્સના ઓપનર ઋતુરાજ ગાયકવાડે આ મેચમાં 50 બોલમાં 92 રન કર્યા હતા. ઋતુરાજ ગાયકવાડે આ ઇનિંગમાં 9 સિક્સ અને 4 ફોર ફટકારી હતી. આ શાનદાર ઇનિંગ્સના કારણે ચેન્નઇ સુપર કિંગ્સે મેચમાં પહેલા બેટિંગ કરતા 7 વિકેટે 178 રન બનાવ્યા હતા. જોકે, તેના સિવાય માત્ર મોઇન અલી જ 20 રનનો આંકડો પાર કરી શક્યો હતો, જેણે 23 રનની ઇનિંગ રમી હતી.
ઋતુરાજની પ્રશંસા કરતા ધોનીએ કહ્યું, ‘ઋતુરાજને બેટિંગ કરતા જોવું ખૂબ જ સારું છે. તેણે પોતાની જાતને ખૂબ સારી રીતે તૈયાર કરી છે અને દબાણ હેઠળ યોગ્ય નિર્ણયો લે છે. તે જ સમયે, ચેન્નઈના બોલરોએ બે નો-બોલ ફેંક્યા, જેના પર ધોનીએ કહ્યું કે બોલર્સે આનાથી બચવું પડશે કારણ કે આ તો બધુ એના નિયંત્રણમાં છે.
શુભમન ગિલે મેચ વિનિંગ ઇનિંગ્સ રમી
સુપરકિંગ્સના 179 રનના ટાર્ગેટને ચેઝ કરવા ઉતરેલી ગુજરાતની ટીમે પાંચ વિકેટે જીત મેળવી લીધી છે. બીજી બાજુ ગુજરાત તરફથી લેગ સ્પિનર રાશિદ ખાને 26, મોહમ્મદ શમીએ 29 અને અલઝારી જોસેફે 33 રનમાં બે વિકેટ ઝડપી હતી. IPLમાં ચેન્નઈ સુપર કિંગ્સ સામે ગુજરાત ટાઈટન્સની આ સતત ત્રીજી જીત હતી.