રાંચીમાં ધોની સાથે મુલાકાત દરમિયાન શું વાતચીત થઈ? હાર્દિક પંડ્યાનો જવાબ તો સાંભળો
અક્ષર અને મેહાના લગ્નની તસવીરો
અક્ષર પટેલ અને મેહા પટેલના લગ્નની તસવીરો (તસવીર સૌજન્યઃ ઈન્સ્ટાગ્રામ પરથી સાભાર)
અક્ષર પટેલના લગ્નની તસવીરો
ફેનપેજ પરથી સામે આવેલી તસવીરોમાં જોઈ શકાય છે કે, અક્ષર પટેલ અને તેની પત્ની મેહા પટેલે વ્હાઈટ કલરના આઉટફિટમાં ટ્વિનિંગ કર્યું છે. સૌથી પહેલા મેહાની વાત કરીએ તો, તેણે વ્હાઈટ કલરની લહેંગા-ચોલી પહેરી છે, જેના પર ડાયમંડ-મોતી અને જરી વર્ક કરવામાં આવ્યું છે. તેણે નેટનો મેચિંગ દુપટ્ટો માથા પર ઓઢ્યો છે. આ સાથે કુંદનની જ્વેલરી અને માથા પર માંગપટ્ટી , નાકમાં નાની નથ પહેરી છે. તેણે વાળ બાંધીને રાખ્યા છે અને તેને ફૂલથી કવર કર્યા છે. આ સિવાય હાથમાં હાથફૂલ અને વ્હાઈટ & રેડ કલરનો ચૂડો પહેર્યો છે. ઓવરઓલ લૂકમાં તે સુંદર લાગી રહી છે. તો બીજી તરફ, અક્ષર પટેલે એમ્બ્રોઈડરી વર્ક કરેલી શેરવાની-પાયજામો અને સાફો પહેર્યો છે, જેમાં તે ડેશિંગ લાગી રહ્યો છે. પહેલી તસવીરમાં જોઈ શકાય છે કે, અક્ષર પટેલ પ્રેમથી મેહાનું માથું ચૂમી રહ્યો છે જ્યારે બીજી તસવીરમાં મેહા પતિની બાહુપાશમાં છે. એક તસવીરમાં તે અક્ષરની શેરવાની સરખી કરી રહી છે તો એકમાં બંનેએ તેમના પાલતું શ્વાન ગુચીને ખોળામાં રાખીને પોઝ આપ્યો છે.
વરમાળા વખતનો વીડિયો સામે આવ્યો
અક્ષર પટેલ અને મેહા પટેલે એકબીજાને વરમાળા પહેરાવી તે સમયનો અદ્દભુત વીડિયો સામે આવ્યો છે. જેમાં પાછળ સુંદરઆતશબાજી થઈ રહી છે, જ્યારે આગળ કેટલીક યુવતીઓ નાચી રહી છે તો ત્યાં હાજર સૌ ચીચીયારી પાડી રહ્યા છે. આ સમયે સંસ્કૃતના શ્લોકનો મંત્રોચ્ચાર કરવામાં આવી રહ્યો છે. આ વીડિયો જોતાં જ ગમી જાય તેવો છે.
કારમાં જાન લઈને આવ્યો અક્ષર
મેહા પટેલને પત્ની બનાવીને લઈ જવા માટે અક્ષર કારમાં જાન લઈને આવ્યો હતો. તેનો વીડિયો પણ ખૂબ વાયરલ થયો છે, જેમાં તે પોતે પણ ડાન્સ કરી રહ્યો છે. આ દિવસે તે કેટલો ખુશ હતો તે તેના ચહેરા પરથી સ્પષ્ટ દેખાતું હતું.
સંગીત સેરેમનીમાં મન મૂકીને નાચ્યા
અક્ષર અને મેહા ગુરુવારે લગ્નના બંધનમાં બંધાયા તે પહેલા બુધવારે રાતે સંગીત સેરેમની યોજવામાં આવી હતી. તેનો એક વીડિયો ટ્વિટર યૂઝરે શેર કર્યો છે, જેમાં કપલે બ્લૂ કલરના આઉટફિટમાં ટ્વિનિંગ કર્યું છે અને તેઓ ‘તું માન મેરી જાન’ સોન્ગ પર ડાન્સ કરી રહ્યા છે. આ ફંક્શનમાં મહોમ્મદ કૈફે હાજરી આપી હતી અને કપલ સાથે તસવીરો ક્લિક કરાવી હતી, જે તેમણે ટ્વિટર હેન્ડલ પર શેર કરી હતી અને સાથે લખ્યું હતું ‘તમારા બંનેનું આગળનું જીવન આનંદથી ભરપૂર રહે તેવી શુભેચ્છા પાઠવું છું’ .
Read latest Cricket News and Gujarati News