હવે IamGujarat સાથે વોટ્સએપ પર જોડાઓ અને મેળવો દરેક મહત્વના સમાચાર
ભારતને મળ્યો બુમરાહ જેવો યોર્કર કિંગ
મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચે રમાયેલી મેચમાં મુંબઈના બોલર આકાશ મધવાલે શાનદાર બોલિંગ કરી હતી. ખાસ કરીને તેણે હેરી બ્રૂકને જે યોર્કર બોલ ફેંક્યો હતો એના કારણે તેની જોરદાર પ્રશંસા થઈ રહી છે. આકાશ મધવાલે આ મેચમાં 4 ઓવરમાં 37 રન આપી 4 વિકેટ લીધી હતી. તેણે ઈનિંગની 19મી ઓવરના ચોથા બોલ પર હેનરિક ક્લાસેનને ક્લિન બોલ્ડ કર્યો હતો. ત્યારપછી તેના બીજા જ બોલમાં તેણે શાનદાર યોર્કર ફેંક્યો હતો. જેના કારણે હેરી બ્રૂક ક્લિન બોલ્ડ થઈ ગયો હતો. જેનો વીડિયો સોશિયલ મીડિયામાં જોરદાર વાયરલ થઈ રહ્યો છે.
આકાશની બોલિંગની જોરદાર પ્રશંસા
આ મેચમાં શાનદાર બોલિંગ કર્યા પછી આકાશ મધવાલ સોશિયલ મીડિયામાં પણ ટ્રેન્ડ થવા લાગ્યો હતો. યૂઝર્સ તેને ભવિષ્યનો સુપર સ્ટાર યોર્કર કિંગ કહીને સંબોધી રહ્યા હતા. તેણે જસપ્રીત બુમરાહ સાથે પણ કમ્પેર કરવામાં આવી રહ્યો છે. તમને જણાવી દઈએ કે આ સીઝનમાં તેણે અત્યારસુધી 6 મેચ રમી છે અને 8 વિકેટ ઝડપી છે. તેનો બેસ્ટ સ્પેલ હૈદરાબાદ વિરૂદ્ધની મેચમાં 37 રન આપી 4 વિકેટનો રહ્યો છે.
શુભમન ગિલને પણ બોલ્ડ કરી ચૂક્યો છે
આ સિઝનમાં શાનદાર લયમાં જોવા મળી રહેલા શુભમન ગિલને પણ તેણે ક્લિન બોલ્ડ કર્યો હતો. શુભમનને આ બોલ સમજાયો જ નહીં અને તેના સ્ટમ્પ્સ ઉખડી ગયા હતા. તે મેચમાં આકાશ મધવાલે 3 વિકેટ ઝડપી હતી. તેવામાં ભવિષ્યમાં આ ખેલાડી ઈન્ડિયન ટીમમાં પોતાની દાવેદારી પણ રજૂ કરી શકે છે.