હિંડનબર્ગનું નામ લીધા વગર કર્યો પલટવાર
જોકે આ દરમિયાન પૂર્વ વિસ્ફોટક ઓપનર વિરેન્દ્ર સેહવાગે ભારતીય બજાર અને અદાણી ગ્રુપમાં આવેલા ભૂકંપને લઈને હિંડનબર્ગ પર મોટો હુમલો કર્યો છે. હિંડનબર્ગનું નામ લીધા વિના તેમણે કહ્યું કે ગોરાઓ ભારતની પ્રગતિને સહન કરી શકતા નથી. એટલું જ નહીં તેણે આ સમગ્ર મામલાને આયોજનબદ્ધ કાવતરું ગણાવ્યું છે. તેમણે ટ્વીટમાં લખ્યું કે ભારતની પ્રગતિ ગોરાઓથી સહન નથી થતી. ભારતીય બજારનું આ રીતે પતન એ ચતુરાઈપૂર્વક આયોજનબદ્ધ કાવતરું લાગે છે. તેમણે વધુમાં લખ્યું કે તમે ગમે તેટલી કોશિશ કરો, પરંતુ હંમેશાની જેમ ભારત મજબૂત રહેશે સેહવાગનું આ ટ્વીટ થોડી જ વારમાં વાયરલ થવા લાગ્યું હતું. તેના પર તમામ ફેન્સની પ્રતિક્રિયા પણ આવી રહી છે. તેમાંથી મોટાભાગના તેમના હીરો સાથે સહમત પણ જોવા મળે છે. તો તમને જણાવી દઈએ કે હિંડનબર્ગના રિપોર્ટની અસર એ હતી કે અદાણી ગ્રુપની મોટાભાગની કંપનીઓના શેર લોઅર સર્કિટ પર આવી ગયા છે.
20 હજાર કરોડનો FPO પરત ખેંચ્યો
ગૌતમ અદાણી ગ્રૂપની નેટવર્થ પણ ખૂબ જ ઝડપથી ઘટી છે, તેથી આંતરરાષ્ટ્રીય બજારમાં તેમની છબી પણ બગડી છે. તે 20 હજાર કરોડનો FPO લાવી રહ્યા હતા. પરંતુ આ વિવાદ પછી તેને મોકૂફ રાખવો પડ્યો છે. તેણે એમ પણ કહ્યું કે તે પોતે એફપીઓમાં રોકાયેલા રોકાણકારોના પૈસા પરત કરશે. છેલ્લા લગભગ બે અઠવાડિયાથી આ સમગ્ર મામલો ગરમાયો છે અને અદાણી ગ્રૂપના શેર 44%થી વધુ તૂટ્યા છે.
Read Latest Sports News And Gujarat News