રિષભ પંતે નવી T20I જર્સી સાથે ફોટો શેર કર્યો, સૂર્યકુમાર યાદવે આપી આવી પ્રતિક્રિયા – suryakumar yadav praises rishabh pant shared post with new t20i jersey

રિષભ પંતની આ પોસ્ટ પર હજારો લાઈક્સ આવી હતી અને સેંકડો લોકોએ કોમેન્ટ પણ કરી હતી. જેમાં ભારતીય ટીમના ખેલાડી સૂર્યકુમાર યાદવે પણ પંતની નવી બ્લૂ જર્સી સાથેના પિકચરના વખાણ કર્યા હતા. જેમાં સૂર્યકુમાર યાદવે લખ્યું હતું કે, મિત્ર તું ખુબ જ સરસ દેખાઈ રહ્યો છે. જો કે, સૂર્યકુમાર યાદવની આ કોમેન્ટમાં યુઝર્સે પણ કોમેન્ટ કરતાં ઉર્વશી રૌતેલાને યાદ કરી દીધી હતી. એક યુઝરે કોમેન્ટ કરતાં લખ્યું હતું કે, પંતને કહો કે, આ વખતે ઉર્વશી રૌતેલાના બદલે વર્લ્ડ કપ પર ધ્યાન આપે અને વર્લ્ડ કપ જીતીને આવે. આ ઉપરાંત અન્ય એક યુઝરે લખ્યું હતું કે, ભાઈ આને કહો ફોર્મ પર ધ્યાન આપે અને રન પણ બનાવે.

તમને જણાવી દઈએ કે 20 સપ્ટેમ્બરથી ભારત અને ઓસ્ટ્રેલિયા વચ્ચે 3 મેચોની ટી20 સીરિઝ રમાવવાની છે. સીરિઝની પ્રથમ મેચ પંજાબના મોહાલી ક્રિકેટ સ્ટેડિયમમાં રમાશે. આ ઉપરાંત ઓસ્ટ્રેલિયા દ્વારા પણ આગામી વર્લ્ડ કપને લઈને પોતાની નવી જર્સી રજૂ કરવામાં આવી છે.