નવી દિલ્હીઃ IPL 2022માં પોતાની તોફાની બોલિંગથી રાતોરાત સ્ટાર બની ગયેલા ઉમરાન મલિકને લાંબા સમય બાદ ભારતીય ટીમમાં ચોક્કસપણે તક મળી છે, પરંતુ જમ્મુ-કાશ્મીરનો આ ખેલાડી વધુ પ્રભાવિત કરી શક્યો નથી. 150 કિમી પ્રતિ કલાકની ઝડપે બોલિંગ કરીને લાઇમલાઇટમાં આવેલા ઉમરાનની લાઇન-લેન્થ સુધરવાનું નામ નથી લઈ રહી અને જૂની સ્પીડ પણ દેખાઈ રહી નથી. એકંદરે, ઉમરાનને ઘણી મહેનતની જરૂર છે. તેની વર્તમાન સ્થિતિને જોતા, એવું લાગે છે કે BCCI હવે તેને વર્લ્ડ કપ 2023ની ટીમમાં સામેલ કરે તેવી શક્યતા નથી કારણ કે લાઇન-અપમાં અન્ય ઘણા ક્રિકેટરો પોતાની બોલિંગથી પ્રભાવિત કરી રહ્યા છે.
તાજેતરની વેસ્ટ ઈન્ડિઝ સામેની વનડે શ્રેણીમાં તે સંપૂર્ણપણે રંગહીન દેખાઈ રહ્યો છે. ઉમરાન પ્રથમ બે મેચમાં એક પણ વિકેટ મેળવી શક્યો નહોતો. ત્રીજી વનડેમાં કેપ્ટન હાર્દિક પંડ્યાએ તેને પ્લેઈંગ 11માંથી જ બહાર કરી દીધો હતો. તેને ટી-20 શ્રેણીમાં પણ ભાગ્યે જ તક મળે છે. જો આમ જ ચાલુ રહેશે તો ભારત એક ઉભરતી પ્રતિભા ગુમાવશે. ભારતના ભૂતપૂર્વ ઓપનર આકાશ ચોપરાની વાત માનીએ તો શાર્દુલ ઠાકુરે વર્લ્ડ કપ ટીમમાં જગ્યા બનાવવાની રેસમાં ઉમરાન મલિકને પાછળ છોડી દીધો છે.
તાજેતરની વેસ્ટ ઈન્ડિઝ સામેની વનડે શ્રેણીમાં તે સંપૂર્ણપણે રંગહીન દેખાઈ રહ્યો છે. ઉમરાન પ્રથમ બે મેચમાં એક પણ વિકેટ મેળવી શક્યો નહોતો. ત્રીજી વનડેમાં કેપ્ટન હાર્દિક પંડ્યાએ તેને પ્લેઈંગ 11માંથી જ બહાર કરી દીધો હતો. તેને ટી-20 શ્રેણીમાં પણ ભાગ્યે જ તક મળે છે. જો આમ જ ચાલુ રહેશે તો ભારત એક ઉભરતી પ્રતિભા ગુમાવશે. ભારતના ભૂતપૂર્વ ઓપનર આકાશ ચોપરાની વાત માનીએ તો શાર્દુલ ઠાકુરે વર્લ્ડ કપ ટીમમાં જગ્યા બનાવવાની રેસમાં ઉમરાન મલિકને પાછળ છોડી દીધો છે.
ભારત માટે ટેસ્ટ ઓપનર રહેલા આકાશ ચોપરાના કહેવા પ્રમાણે, ચોથા ફાસ્ટ બોલર માટે ટીમમાં હજુ પણ અંતર છે, જેના માટે ઉમરાન મલિકનો વેસ્ટ ઈન્ડિઝ પ્રવાસમાં સમાવેશ કરવામાં આવ્યો હતો. મુખ્ય કોચ રાહુલ દ્રવિડ અને સુકાની રોહિત શર્મા ઉમરાનની સ્પીડનો ટ્રમ્પ કાર્ડ તરીકે ઉપયોગ કરવા માંગતા હતા, પરંતુ હવે એવું લાગે છે કે શાર્દુલ ઠાકુરે આ પદ માટે પોતાનો દાવો મજબૂત કર્યો છે.
વેસ્ટ ઈન્ડિઝ સામેની વનડે શ્રેણીમાં શાર્દુલ ઠાકુરે ત્રણેય મેચ રમી હતી અને તેનું પ્રદર્શન પણ સારૂ રહ્યું હતું. ત્રીજી વનડેમાં તેણે 6.3 ઓવરમાં માત્ર 37 રન આપીને ચાર વિકેટ ઝડપી હતી. આ તેની ODI કારકિર્દીની સર્વશ્રેષ્ઠ બોલિંગ ફિગર પણ હતી. આ સિવાય શાર્દુલ ઠાકુરની ગણતરી છેલ્લા કેટલાક વર્ષોમાં ભારતીય ટીમ માટે સૌથી વધુ વનડે વિકેટ લેનારા બોલરોમાં થાય છે.