શુક્રવારે કોચ પદ માટે ઈન્ટર્વ્યૂ થશે
પ્રાપ્ત થતી માહિતી પ્રમાણે ઇંગ્લેન્ડના ડરહામના ભૂતપૂર્વ કોચ જોન લુઇસે પણ આ નોકરી માટે અરજી કરી છે. અશોક મલ્હોત્રા, જતિન પરાંજપે અને સુલક્ષણા નાયકની બનેલી ક્રિકેટ સલાહકાર સમિતિ (CAC) મુંબઈમાં ઈન્ટરવ્યુ લેશે. BCCI (ભારતીય ક્રિકેટ બોર્ડ)ના એક અધિકારીએ જણાવ્યું હતું કે, “શુક્રવારે ઇન્ટરવ્યુ લેવામાં આવશે.”
મહિલા ટીમના કોચની પસંદગી જોરશોરથી શરૂ
હરમનપ્રીત કૌરની આગેવાની હેઠળની ભારતીય ટીમ ડિસેમ્બરથી મુખ્ય કોચ વિના છે. જ્યારે રમેશ પોવારને પદ પરથી હટાવી દેવામાં આવ્યા હતા ત્યારથી ટીમ નવા હેડ કોચની તપાસ કરી રહી છે. આ વર્ષની શરૂઆતમાં T20 વર્લ્ડ કપ દરમિયાન બેટિંગ કોચ હૃષિકેશ કાનિટકરે ટીમની કમાન સંભાળી હતી. એક ભૂતપૂર્વ ભારતીય ખેલાડીએ કહ્યું, ‘મને નથી લાગતું કે તુષારને પાછો લાવવો સારો વિકલ્પ હશે. ટીમને નવા વિચારો ધરાવતા કોચની જરૂર છે. અમોલ જેવા કોચ તેને આગળ લઈ જવા યોગ્ય રહેશે.
ઈન્ડિયન ટીમની સિલેક્શન કમિટીની પસંદગી
મુખ્ય કોચની પસંદગી કર્યા પછી, CAC ભારતીય પુરૂષ ટીમ માટે મુખ્ય પસંદગીકારની નિમણૂક કરે તેવી શક્યતા છે. કારણ કે ચેતન શર્માની હકાલપટ્ટી બાદ ફેબ્રુઆરીથી આ પદ ખાલી છે. આ માટે અરજી ભરવાની છેલ્લી તારીખ 30 જૂન છે અને ઇન્ટરવ્યુ 1 જુલાઈએ યોજાય તેવી શક્યતા છે. અજીત અગરકર મુખ્ય પસંદગીકાર પદની રેસમાં સૌથી આગળ હોવાનું પણ જણાવાઈ રહ્યું છે.