હવે IamGujarat સાથે વોટ્સએપ પર જોડાઓ અને મેળવો દરેક મહત્વના સમાચાર
હોટેલ્સના રુમ ફૂલ થવાની કગારે
હોટલ સંચાલકોએ કહ્યું કે, ભારત અને પાકિસ્તાનની બેચ 15 ઓક્ટોબરના રોજ રમાવાની છે. જેને લઈને લોકોમાં પણ ભારે ઉત્સાહ જોવા મળી રહ્યો છે. 13-16 ઓક્ટોબરની વચ્ચે બુકિંગ પહેલેથી જ થઈ ચૂક્યું છે. મોટાભાગની હોટેલ્સ ફૂલ થઈ ગઈ છે. આઈટીસી નર્મદાના જનરલ મેનેજર કીનન મેકેન્ઝીએ જણાવ્યું હતું કે, આંતરરાષ્ટ્રીય ક્રિકેટ સમૂહો, પ્રશંસકો અને પ્રયોજકોની સતત ઈન્કવાયરી આવી રહી છે. કેટલાંક વીવીઆઈપી પણ બુકિંગ કરાવવા માટે સંપર્ક કરી રહ્યાં છે.
ઈંગલેન્ડ-ન્યૂ ઝિલેન્ડની મેચનું પણ બુકિંગ
હયાત રેજન્સી અમદાવાદના મેનેજરે કહ્યું કે, મોટાભાગની ફાઈવ સ્ટાર હોટેલ્સમાં મેચના દિવસો દરમિયાન 60-90 ટકા રુમ બુક થઈ ગયા છે. મેનેજર પુનિત બૈજલે કહ્યું કે, મેચના દિવસો માટે લગભગ 80 ટકા રુમ બુક થઈ ગયા છે. ઉદ્ઘાટન સમારોહ અને ઈંગલેન્ડ તથા ન્યૂ ઝિલેન્ડ વચ્ચેની પહેલી મેચ માટે ઈંગ્લેન્ડ અને મુખ્ય નિગમોની ટ્રાવેલ્સ એજન્સીઓએ પહેલેથી જ બુકિંગ કરાવી લીધું છે.
વર્લ્ડ કપના શેડ્યુલ પર પીસીબીએ શું કહ્યું? ભારતમાં રમવા નહીં આવે પાકિસ્તાનની ટીમ?
એક લાખ રુપિયા સુધીનું ભાડું
તો સૂત્રોના જણાવ્યા મુજબ, બેઝ શ્રેણીના રુમ લગભગ 52,000 અને પ્રીમિયમ કેટેગરીના રુમ 1 લાખ રુપિયા અને તેનાથી વધારે ભાડુ લેવામાં આવી રહ્યું છે. તો તાજ ગ્રુપની સંપતિઓનું સંચાલન કરતા સંકલ્પ ગ્રુપના ઉપાધ્યક્ષ અતુલ બુદ્ધરાજાએ કહ્યું કે, 14-15 ઓક્ટોબર માટે બે હોટેલ્સ પહેલેથી જ બુક થઈ ગઈ છે. અમારી ઓછામાં ઓછા 40-60 ટકા ઈવેન્ટ્રી બુક થઈ ચૂક્યા છે. આગામી દિવસોમાં જેમ જેમ મેચની તારીખ નજીક આવશે તેમ તેમ બુકિં પણ ફૂલ થવાની આશા છે.
Latest Cricket News And Gujarat News