ઈન્દોરના હોલ્કર સ્ટેડિયમમાં શુક્રવારે મેચના ત્રીજા દિવસે ઓસ્ટ્રેલિયન બેટિંગની નવમી ઓવરમાં બની હતી. ઓવરના ચાર બોલ થઈ ગયા બાદ અશ્વિને પોતાનો રનઅપ નાનો કરીને બોલિંગ કરવાનું નક્કી કર્યું હતું. તે સ્ટમ્પની એકદમ પાછળ ઊભો હતો. અશ્વિન બોલ ફેંકવા માટે આગળ આવવાનું શરૂ કરે છે તે જોતાં જ લાબુશેન સ્ટમ્પ પાસેથી દૂર જતો રહે છે અને અશ્વિન સામે હસે છે. આ ઉપરાંત તે અશ્વિનને અકળાવવા માટે પોતાનું સ્ટેન્ડ લેવામાં પણ વિલંબ કરે છે. આ જોઈને અમ્પાયર વિલ્સન તાત્કાલિક લાબુશેન પાસે જાય છે. જ્યારે ભારતીય કેપ્ટન રોહિત શર્મા પણ તેની પાસે દોડી જાય છે. આ બંને જણા તેને સમજાવે છે પરંતુ લાબુશેન થોડો ઉગ્ર થઈને દલીલ કરતો જોવા મળે છે.
ભારતે ઓસ્ટ્રેલિયા સામે 76 રનનો લક્ષ્યાંક મૂક્યો હતો તેથી તેના વિજયની આશા લગભગ નહિવત હતી. ત્રીજા દિવસે અશ્વિને પ્રથમ ઓવર કરી હતી અને તેણે બીજા જ બોલ પર ઓપનર ઉસ્માન ખ્વાજાને આઉટ કરી દીધો હતો. પિચ જે પ્રકારનું વર્તન કરી રહી હતી તે જોતાં કદાચ ભારતીય ક્રિકેટપ્રેમીઓને થોડી આશા જાગી હતી કે ટીમ ઈન્ડિયા લડત આપશે. જોકે, ઓસ્ટ્રેલિયાએ એક વિકેટ ગુમાવીને સરળતાથી લક્ષ્યાંક પાર પાડ્યો હતો.
ઓસ્ટ્રેલિયા વર્લ્ડ ટેસ્ટ ચેમ્પિયનશિપ માટે ક્વોલિફાઈ
ઈન્દોર ટેસ્ટમાં નવ વિકેટે વિજય નોંધાવવાની સાથે જ ઓસ્ટ્રેલિયન ટીમ વર્લ્ડ ટેસ્ટ ચેમ્પિયનશિપની ફાઈનલ માટે ક્વોલિફાઈ થઈ ગઈ હતી. જોકે, હાલમાં ભારત સીરિઝમાં 2-1થી આગળ છે. ભારતે બોર્ડર ગાવસ્કર ટ્રોફી પણ રિટેન કરી લીધી છે. ભારતે ફાઈનલ માટે ક્વોલિફાઈ થવા અમદાવાદમાં રમાનારી ચોથી અને અંતિમ ટેસ્ટ મેચ જીતવી પડશે.