અમરજીત કાયપી
80 અને 90ના દાયકામાં પંજાબ જન્મેલા અમરજીત કાયપી ડોમેસ્ટિક ક્રિકેટના સૌથી જબરજસ્ત બેટ્સમેનોમાં સામેલ હતા. ફર્સ્ટ ક્લાસ ક્રિકેટમાં તેમના નામે 52.27ની સરેરાશથી 7894 રન છે. તેમાં 27 સદી તેમણે ફટકારી હતી. નિવૃત્તિ લેતા સમયે રણજી ટ્રોફીમાં સૌથી વધુ રન બનાવવાનો રેકોર્ડ તેમના નામે જ નોંધાયેલો હતો.
રાજિંદર ગોયલ
હરિયાણા અને દિલ્હી માટે ડોમેસ્ટિક ક્રિકેટ રમનારા રાજિંદર ગોયલ સૌથી અનલકી ક્રિકેટરમાં સામેલ છે. 1958/59 સીઝનમાં તેમણે રણજીમાં ડેબ્યુ કર્યું હતું. તેઓ રણજીના ઈતિહાસમાં આજે પણ સૌથી વધુ 639 વિકેટ લેનારા બોલર છે. આ ડાબોડી સ્પિનરે 1985 સુધી ડોમેસ્ટિક ક્રિકેટ રમી, પરંતુ ક્યારેય ભારત માટે ડેબ્યુ ન કરી શક્યા.
જલજ સક્સેના
36 વર્ષનો જલજ સક્સેના હાલમાં ડોમેસ્ટિક ક્રિકેટ રમી રહ્યો છે, પરંતુ ભારત માટે ડેબ્યુ કરવાની આશાનો અંત આવી ચૂક્યો છે. 133 ફર્સ્ટ ક્લાસ મેચમાં આ ઓલરાઉન્ડરે 410 વિકેટ લેવાની સાથે જ 6567 રન પણ બનાવ્યા છે. લિસ્ટ એમાં પણ ઓફ સ્પિથી તેણે 104 મેચમાં 117 વિકેટ લીધી છે. બેટિંગમાં પણ 3 સદીની મદદથી 2035 રન બનાવ્યા છે. આ રેકોર્ડ બાદ પણ ભારત માટે તેને રમવાની તક નથી મળી.
અમોલ મજૂમદાર
મુંબઈનો અમોલ મજુમદાર દુનિયાના સૌથી અનલકી ક્રિકેટરમાં સામેલ છે. તેણે મુંબઈ માટે પોતાની ડેબ્યુ મેચમાં જ 260 રન ફટકાર્યા હતા. 171 મેચમા ફર્સ્ટ ક્લાસ કરિયરમાં મજૂમદારે 11,167 રન બનાવ્યા. લિસ્ટ એમાં પણ 38ની સરેરાશથી 3286 રન તેના નામે નોંધાયેલા છે. મજૂમદારને સચિન તેંદુલકર જેવો પ્રતિભાશાળી બેટ્સમેન મનાય છે, પરંતુ ક્યારેય ભારત માટે રમી શક્યો નથી.
મિથુન મન્હાસ
દિલ્હીના મિથુન મન્હાસનો ડોમેસ્ટિક રેકોર્ડ દમદાર હતો. ફર્સ્ટ ક્લાસ ક્રિકેટમાં તેણે 42.82 અને લિસ્ટ એમાં 45.84ની સરેરાશથી રન બનાવ્યા છે. તેના નામે 15 હજાર કરતા વધુ રન છે. 2017 સુધી તેણે ડોમેસ્ટિક ક્રિકેટમાં ભાગ લીધો. આઈપીએલમાં ચેન્નઈ, દિલ્હી અને પુણે વોરિયર્સ માટે રમી ચૂક્યો છે. પરંતુ ક્યારેય ભારત માટે રમવાની તક નથી મળી.