રબાડાએ તાજેતરમાં જ ફેમસ રેડિયો જોકી આરજે કરિશ્મા સાથે એક વીડિયો બનાવ્યો છે,જોકી રોશિયલ મીડિયા પર ખૂબ જ વાયરલ થઈ રહ્યો છે. વીડિયોની શરૂઆત રબાડા હિન્દીમાં નમસ્તે કહીને કરે છે. ત્યારબાદ તે કહે છે, ”પૂર્વ યા પશ્ચિમ, મેરા સાસ સબસે અચ્છા હૈ”- પૂર્વ હોય કે પશ્ચિમ, મારી સાસુ સૌથી સારા છે.
રબાડા ભારતીય રેડિયો જોકી આરજે કરિશ્માના વિડીયો ‘હાઉ નોટ ઈમ્પ્રેસ દેસી ગર્લફ્રેન્ડ પેરેન્ટ્સ’માં આ વિડીયો તૈયાર કરાયો હતો.. કરિશ્માએ પહેલા સાસુ, પછી સસરા માટે લાઈન આપી. રબાડાએ પહેલા કહ્યું ‘નમસ્તે સુઅર જી’, તેનો કહેવાનો અર્થ હતો-નમસ્તે સસરા જી’. જોકે કરિશ્મા તેની આ ભૂલ સુધારવા કહે છે અને ત્યારબાદ રબાડા માફી કરવા માટે કહે છે.
આ વિડીયો સોશિયલ મીડિયા પર વાયરલ થઈ રહ્યો છે અને અનેક એક્ટર અને ફેન્સે આ અંગે પ્રતિક્રિયા આપી છે. રબાડાએ તેને પોતાના ઈન્સ્ટાગ્રામ પર શેર પણ કર્યો છે. IPLમાં રબાડાની ટીમ સાથે શિખર ધવને પણ આ અંગે પ્રતિક્રિયા આપી. અનેક લોકોની માફક ધવન પણ આ જોઈને હસી પડ્યો હતો.
વિશ્વ કપ અગાઉ ભારત આવ્યો હતો રબાડા
કગિસો રબાડા ઓસ્ટ્રેલિયામાં યોજાઈ રહેલા T-20 વિશ્વ કપ અગાઉ ભારત પ્રવાસ પર આવ્યો હતો. અહીં તેમની ટીમને T-20 સિરીઝમાં 3-0થી હારનો સામનો કરવો પડ્યો હતો. જ્યારે વનડે સિરીઝમાં પણ તેમને 2-1થી હારનો સામનો કરવો પડ્યો હતો.