જોકે, હવે તે સંપૂર્ણપણે બદલાઈ ગયું છે. ખાસ કરીને ભારતીય ક્રિકેટમાં આ બદલાવ ચોક્કસપણે જોવા મળી રહ્યો છે. ટીમ ઇન્ડિયા વર્ષ 2011 બાદ વનડે વર્લ્ડ કપમાં ચેમ્પિયન બની શકી નથી, પરંતુ આ વખતે ટૂર્નામેન્ટનું આયોજન ભારતમાં થઈ રહ્યું છે. આવી સ્થિતિમાં ટીમ ઇન્ડિયા 2011ના ઈતિહાસનું પુનરાવર્તન કરવાનો પ્રયાસ કરશે, પરંતુ તે કેવી રીતે શક્ય બનશે. આ માટે ટીમ ઇન્ડિયાની તૈયારી કેવી રીતે ચાલી રહી છે અને સંભવિતોની યાદીમાં કયા ખેલાડીઓ સામેલ થઈ શકે છે. એવા ઘણા પ્રશ્નો છે, જેના જવાબ ભારતીય ટીમ મેનેજમેન્ટે બહુ જલ્દી શોધવા પડશે અને ફેન્સ પણ જાણવા આતુર હશે.
કેવી છે વિરાટ અને રોહિતની તૈયારી?
તેમાં કોઈ શંકા નથી કે, વિરાટ કોહલી અને રોહિત શર્મા વર્લ્ડ કપ 2023માં રમશે. આ બંને ખેલાડીઓ ટીમ ઇન્ડિયાના મજબૂત આધારસ્તંભ છે, પરંતુ આ બંને ખેલાડીઓ આટલી મોટી ટૂર્નામેન્ટની તૈયારી કેવી રીતે કરી રહ્યા છે. હવે આના પર સવાલ ઊઠી રહ્યા છે. વિરાટ કોહલી અને રોહિત શર્મા એવા 2 બેટ્સમેન છે, જે વિશ્વની કોઈ પણ બોલર્સનો પરસેવો છોડાવવામાં માહિર છે. જોકે, વર્લ્ડ કપની વાત અલગ છે. ત્યાં કોઈ ટીમને બીજી તક મળતી નથી. આવી સ્થિતિમાં તમામ ટીમોની તૈયારી ઉચ્ચ ગુણવત્તાની છે, પરંતુ જ્યારે વિરાટ અને રોહિતની વાત આવે છે. ત્યારે તેઓ કદાચ વનડે વર્લ્ડ કપને હળવાશથી લઈ રહ્યા છે. કારણ કે, આ વર્ષે માર્ચ મહિનામાં તે છેલ્લી વખત ઓસ્ટ્રેલિયા સામે બેટિંગ કરવા ઉતર્યો હતો. જ્યારે વેસ્ટ ઇન્ડિઝ પ્રવાસમાં ત્રણ વનડે મેચ હતી, જેમાં વિરાટે બેટિંગ કરી જ નહતી.
વિરાટ અને રોહિત વર્લ્ડ કપને હળવાશથી લઈ રહ્યા છે
પ્રથમ વનડેમાં રોહિત શર્મા ચોક્કસપણે બેટિંગ કરવા આવ્યો હતો, પરંતુ તેને માત્ર ઔપચારિકતા જ ગણી શકાય. આવી સ્થિતિમાં સવાલ એ થાય છે કે, વિરાટ અને રોહિત જે રીતે વર્લ્ડ કપની તૈયારીને હળવાશથી લઈ રહ્યા છે તે યોગ્ય છે. શું તેને વધુ પડતો વિશ્વાસ છે કે, તે માત્ર મજબૂત ટીમો સામે જ રમશે? આ એ જ વિરાટ કોહલી છે, જે પોતાના ખરાબ ફોર્મથી સતત સંઘર્ષ કરી રહ્યો હતો. બેટમાંથી રન આવી રહ્યા નહતા. ક્રિકેટમાં ખેલાડીઓને ફોર્મમાંથી બહાર થવામાં સમય નથી લાગતો, પરંતુ વિરાટ કોહલી અને રોહિત શર્મા જેવા મોટા ખેલાડીઓ દર બે-ત્રણ મેચ પછી આરામ કરવા જાય છે. વેસ્ટ ઇન્ડિઝ પ્રવાસ પર પ્રથમ વનડેમાં ટીમ ઇન્ડિયાના બેટ્સમેનોની હાલત બધાએ જોઈ. નાના લક્ષ્યનો પીછો કરતા ટીમ ઇન્ડિયાની હાલત ખરાબ થઈ ગઈ હતી. ત્યારબાદ રોહિત શર્માએ પોતે 7 નંબર પર બેટિંગ માટે આવવું પડ્યું. જ્યારે વિરાટ પણ બેટિંગ માટે આવ્યો નહતો. વનડે શ્રેણી પૂરી થઈ ગઈ છે. આવી સ્થિતિમાં હવે ભારત તેની આગામી વનડે મેચ સપ્ટેમ્બરમાં એશિયા કપ દરમિયાન રમશે અને વિરાટ-રોહિત પણ. આવી સ્થિતિમાં, આશા છે કે, આ બંને ખેલાડીઓ તેમના સારા ફોર્મમાં જોવા મળશે અને વર્લ્ડ કપમાં પણ તેને જાળવી રાખશે.
સંભવિત ખેલાડીઓની યાદી તૈયાર નથી થઈ શકી?
રોહિત શર્મા અને રાહુલ દ્રવિડના નેતૃત્વમાં ટીમ ઇન્ડિયા જે રીતે પ્રયોગ કરી રહી છે. તે મને ગ્રેગ ચેપલની યાદ અપાવે છે. ગ્રેગ ચેપલના સમયમાં પણ આવું જ કંઈક બનતું હતું. આ જ કારણ છે કે, વર્લ્ડ કપ 2023 માટે સંભવિત ખેલાડીઓની યાદી હજી નક્કી કરવામાં આવી નથી. ટોપ ઑર્ડરમાં વિરાટ અને રોહિતને છોડીને મેનેજમેન્ટ સામે ઘણા મોટા પડકારો છે.