દિલીપે મેટ પર ત્રણ મિનિટ 33 સેકન્ડ અને વિશાલે ત્રણ મિનિટ ચાર સેકન્ડનો સમય પસાર કર્યો. આ બંનેએ ટીમને કુલ પાંચ બોનસ અપાવ્યા. ગુજરાત માટે અનિકેત પોટેએ 9, સૂરજ ગરગટેએ 8 અને અભિનંદન પાટીલે 6 અંક મેળવ્યા હતા. ઓડિશા જગરનોટ્સએ ટોસ જીતીને પહેલા ડિફેન્સ કરવાનો નિર્ણય લીધો હતો. ગુજરાતે પ્રથમ દાવના પ્રથમ ટર્નમાં બે મિનિટ એક સેકન્ડમાં પહેલી બેચને આઉટ કરીને નવ અંકની લીડ લઈ લીધી હતી. આ ટર્ન સમાપ્ત થવા પર 23 સેકન્ડ બાકી રહી જેને ગુજરાતની ચોથી બેચે સરળતાથી પસાર કરી દીધી હતી. આમ પ્રથમ દાવના અંતે સ્કોર 28- 24 થી ઓડિશાના પક્ષમાં રહ્યો.
બીજા દાવના પ્રથમ ટર્નમાં ગુજરાતે બે મિનિટ 22 સેકન્ડમાં ઓરિસ્સાની પ્રથમ બેચને આઉટ કરી 32 -28થી લીડ લઈ લીધી હતી. વિનાયકે પોકાર્ડે, રંજન શેટ્ટી અને અનિકેત પોટેએ આ બેચના એક -એક ખેલાડીને આઉટ કર્યા હતા. જ્યારે બીજી મેચમાં દિલીપ કાંધાવીએ જોર લગાવ્યું હતું અને પોતાની ટીમને આ ટર્નનું ત્રીજુ અને મેચનું પચામું બોનસ અપાવ્યું હતું. દિલીપ કુલ ત્રણ મિનિટ 32 સેકન્ડ સુધી મેટ પર રહ્યો. દિલીપના આઉટ થવાની સાથે સ્કોર 34 -38 થઈ ચૂક્યો હતો. હવે આ ટર્નમાં એક મિનિટ 39 સેકન્ડનો સમય બાકી રહ્યો હતો. થર્ડ બેચ મેટ પર હતી આ બેચને ઝડપથી આઉટ કરી ગુજરાતે 43- 34ની લીડ લઈ લીધી.
જવાબમાં ગુજરાતે પ્રથમ બેચના છેલ્લા ટર્નમાં બે વાર બોનસ લેવામાં સફળતા મેળવી હતી. 43-47ના સ્કોરની સાથે મેચ ખૂબ રોમાંચક થઈ ચૂકી હતી. આ દરમિયાન ઓડિશાએ બીજી બેચને આઉટ કરી 48- 47 ની લીડ લઈ લીધી. આ બેચ એક મિનિટ 50 સેકન્ડ મેટ પર રહી શકી હતી. હવે ઓડિશા પાવર પ્લેમાં હતી. ગુજરાતની પાસે બોનસનો કોઈ ચાન્સ નહતો, તેના ડિફેન્ડર્સે બચીને રહેવાનું હતું, પણ નિલેશ પાટીલને આઉટ કરીને ઓડીશાએ 50-47ની લીડ લઈ મેચને પોતાને નામ કરી લીધી હતી.
મંગળવારે પ્રથમ મુકાબલામાં તેલુગુ યોદ્ધાનો સામનો મુંબઈ ખેલાડીની સાથે થશે. જ્યારે બીજો મુકાબલામાં ગુજરાતની ટીમ ચેન્નઈ ક્વીક ગન્સની સાથે ટકરાશે. ચેન્નાઈ ક્વિક ગન્સ, ગુજરાત જાયન્ટ્સ, મુંબઈ ખિલાડીસ, ઓડિશા જગરનોટ્સ, રાજસ્થાન વોરિયર્સઅને તેલુગુ યોદ્ધાસ એ છ ફ્રેન્ચાઈઝી અલ્ટીમેટ ખોખોમાં ભાગ લઈ રહી છે. ભારતની પ્રથમ ફ્રેન્ચાઈઝી આધારિત ખોખો લીગની ફાઈનલ 4 સપ્ટેમ્બરે રમાશે.