50 ઓવરના ફોર્મેટમાં સંઘર્ષ કરી રહેલા સૂર્યકુમાર લાંબી ઇનિંગ્સ રમીને મેચ જીતવા પર ધ્યાન કેન્દ્રિત કરશે. તે જ સમયે ઘણી વખત પુનરાગમન કરવા છતાં સેમસન પોતાની અસર નથી છોડી શક્યો. તેની પાસે પણ આ સુવર્ણ તક છે. તે બીજી વનડેની જેમ ત્રીજા નંબર પર ઉતરી શકે છે. જ્યારે ઓપનર ઈશાન કિશનએ લોકોને પ્રભાવિત કર્યા છે, પરંતુ શુભમન ગીલ હજુ સુધી મોટો સ્કોર કરી શક્યો નથી. હાર્દિક પંડ્યાએ પહેલી 2 મેચમાં બોલિંગની શરૂઆત કરી હતી, પરંતુ તે રન ન બનાવી શક્યો. પાંચ મેચની ટી20 સિરીઝથી પહેલા તે ઉપયોગી ઇનિંગ રમવા માગશે. તો ઝડપી બોલર ઉમરાન મલિક હજી પણ વિકેટ નથી લઈ શક્યો. તેની સ્પીડ ભારત માટે એક્સ ફેક્ટર છે, પરંતુ તેણે પોતાની ટેકનિક અને સટીકતા પર કામ કરવું પડશે. જ્યારે ચાઈનામેન કુલદીપ યાદવે પ્રભાવી પ્રદર્શન કર્યું છે, જેનાથી તેના મિત્ર યુજવેન્દ્ર ચહલ માટે ટીમમાં જગ્યા નથી બની શકતી.
વેસ્ટ ઇન્ડીઝના બોલર્સે ભારતીય બેટ્સમેનોને કર્યા હેરાન
હવે તે માત્ર ટી 20 સિરીઝમાં જ જોવા મળશે. વેસ્ટ ઈન્ડિઝ પાસે ગુમાવવા માટે કંઈ નથી અને જો તે ભારતને હરાવશે તો વનડે વર્લ્ડ કપ માટે ક્વોલિફાઈ ન થવાના ઘા થોડાક અંશે રૂઝાઈ જશે. તેમના બોલર્સે ભારતીય બેટ્સમેનોને ખૂબ જ પરેશાન કર્યા છે. જ્યારે ડાબોડી સ્પિનર ગુડાકેશ મોતી સારા ફોર્મમાં છે. તો ઝડપી બોલર રોમારિયો શેફર્ડ પણ અસરકારક રહ્યો છે. કેપ્ટન શાઈ હોપે કહ્યું, ‘અમે ફરી એકવાર તે પ્રદર્શનનું પુનરાવર્તન કરીશું. અમારે બેટ અને બોલથી સતત સારું પ્રદર્શન કરવું પડશે.
ત્રીજી વનડે માટે બંને ટીમ
ભારતઃ રોહિત શર્મા (કેપ્ટન), શુભમન ગિલ, ઋતુરાજ ગાયકવાડ, વિરાટ કોહલી, સૂર્યકુમાર યાદવ, સંજુ સેમસન (વિકેટકેટ), ઇશાન કિશન (વિકેટકિપર), હાર્દિક પંડ્યા (વાઈસ કેપ્ટન), શાર્દુલ ઠાકુર, રવિન્દ્ર જાડેજા, અક્ષર પટેલ, યુઝવેન્દ્ર ચહલ, કુલદીપ યાદવ, જયદેવ ઉનડકટ, મોહમ્મદ સિરાજ, ઉમરાન મલિક, મુકેશ કુમાર. વેસ્ટ ઇન્ડીઝઃ શાઈ હોપ (કેપ્ટન), રોવમેન પોવેલ, એલિક અથાનાજે, યાનિક કેરિયા, કિસી કાર્ટી, યાનિક કારિયા, ડોમિનિક ડ્રેક્સ, શિમરોન હેટમાયર, અલ્ઝારી જોસેફ, બ્રેન્ડન કિંગ, કાયલ માયર્સ, ગુડાકેશ મોતી, જયડેન સીલ્સ, રોમારીયો શેફર્ડ, કેવિન સિંકલેર, ઓશાને થોમસ.