ઈશાન કિશને રોહિત શર્માનું નામ લઈ ડરાવ્યા
વેસ્ટ ઈન્ડિઝ સામેની ટેસ્ટમાં ઈશાન કિશન વિકેટકીપરની ભૂમિકા છે. તેણે સાથી ખેલાડીઓને ટીમ ઈન્ડિયાના કેપ્ટન રોહિત શર્માના નામથી ડરાવ્યા હતા. સ્ટંપ માઈકમાં ઈશાન કહેતો સંભળાયો કે ‘અરે રોહિત ભાઈ ગાળ આપશે તને’.
ઈશાન કિશને કોને ડરાવ્યો?
ઈશાન કિશને તેની સાથે ડેબ્યૂ કરનાર યશસ્વી જયસ્વાલને રોહિત શર્માના નામથી ડરાવ્યો હશે તેમ લાગી રહ્યું છે. યશસ્વી ફોરવર્ડ શોર્ટ લેગ પર ફીલ્ડિંગ કરી રહ્યો હતો. ઈશાનના આમ કહેવા પર તે સિલી પોઈન્ટ તરફ જતો રહ્યો.
વિરાટ કોહલીને પણ આપ્યો ઓર્ડર
ઈશાન કિશને માત્ર ડેબ્યૂ કરનાર યશસ્વી જયસ્વાલની સાથે જ આમ નહોતું કર્યું. તેણે ટીમ ઈન્ડિયાના પૂર્વ કેપ્ટન વિરાટ કોહલીને પણ ઓર્ડર આપ્યો હતો. વિકેટકીપિંગ કરી રહેલા ઈશાને વિરાટની ફીલ્ડિંગ પોઝિશનને ઠીક કરતાં કહ્યું હતું ‘થોડા સીધા ઉભા રહો’.
ઈશાનને પણ ઠપકો સાંભળવો પડે છે
ઈશાન કિશન ઈન્ડિયન પ્રીમિયર લીગમાં મુંબઈ ઈન્ડિયન્સ તરફથી રમે છે. આ ફ્રેન્ચાઈઝીનો કેપ્ટન રોહિત શર્મા છે. એક ઈન્ટરવ્યૂમાં ઈશાને કહ્યું હતું કે, મેચમાં જો કોઈ સાથી ખેલાડી ભૂલ કરે છે તો રોહિતભાઈ તેને ગાળ આપે છે.
મેદાન સુધી જ રહે છે વાત
ઈશાન કિશને જણાવ્યું હતું કે, મેચ ખતમ થયા બાદ રોહિત શર્મા જેના પર પણ ગુસ્સે થયો હોય તેની માફી માગે છે અને વાતને મન પર ન લેવા માટે કહે છે. ભારતની કોઈ ટીમ સામે મેચ હોય ત્યારે ઘણીવાર રોહિત ગુસ્સે થતાં અને અપશબ્દો કહેતા જોવા મળ્યો છે.
ઈશાન કિશને હજી નથી કરી બેટિંગ
ઈશાન કિશને ડેબ્યૂ ટેસ્ટમાં સારી વિકેટકીપિંગ કરી, પહેલી ઈનિંગમાં તેણે પહેલો કેચ આગળ તરફ કૂદીને લીધો હતો. હજી તેની બેટિંગ બાકી છે. તે છઠ્ઠા અથવા સાતમા નંબર પર રમવા ઉતરશે. જો ઝડપથી રન બનાવવાના થયા તો ઈશાનને પહેલા પણ મોકલવામાં આવી શકે છે.