Asia Cup: ભારત-પાકિસ્તાન વચ્ચેના મુકાબલા પહેલા જાણી લો ટુર્નામેન્ટના આ 10 રેકોર્ડ
એશિયા કપ માટે દુબઈ જઈ રહ્યો હતો ઈરફાન પઠાણ
ઈરફાન પઠાણ મુંબઈથી દુબઈ જતી ફ્લાઈટમાં બેસવા જતો હતો ત્યારે જ વિસ્તારાના ઓનગ્રાઉન્ડ સ્ટાફે તેની સાથે ખરાબ વર્તન કર્યું હોવાનો આરોપ મૂક્યો છે. આ દરમિયાન ઈરફાન સાથે તેની પત્ની અને બે બાળકો પણ હતા, જેમાંથી એકની ઉંમર તો માત્ર આઠ મહિના છે. ઈરફાનના કહેવા અનુસાર, વિસ્તારામાં ઈરફાન અને તેના પરિવારે ઉચ્ચ શ્રેણીની ટિકિટ બુક કરાવી હતી છતાં તેમને નીચેના ક્લાસની ટિકિટ અપાઈ હતી.
‘દોઢ કલાક ઊભા રહેવું પડ્યું’
ઈરફાને ટ્વિટ કરતાં લખ્યું, “આજે, હું વિસ્તારા ફ્લાઈટ યૂકે-201 દ્વારા મુંબઈથી દુબઈની યાત્રા કરી રહ્યો હતો. ચેક-ઈન કાઉવન્ટર પર મને કડવો અનુભવ થયો હતો. વિસ્તારાએ મારી કન્ફર્મ ટિકિટની શ્રેણી ડાઉનગ્રેડ કરી નાખી. મારે આ મામલાનો ઉકેલ લાવવા માટે દોઢ કલાક સુધી કાઉન્ટર પર ઊભા રહેવું પડ્યું અને તે પણ મારી પત્ની, મારા પાંચ વર્ષના અને 8 મહિનાના બાળક સાથે.”
પોતાના કંગાળ ફોર્મ પર વિરાટ કોહલીએ તોડ્યું મૌન, ટીકાકારોને આપ્યો જવાબ
અન્ય પેસેન્જરો સાથે પણ ખરાબ વર્તન થયું હોવાનો દાવો
ઈરફાને આગળ જણાવ્યું કે, એરલાઈન્સ સ્ટાફે માત્ર તેની સાથે જ નહીં અન્ય પેસેન્જરો સાથે પણ ખરાબ વર્તન કર્યું હતું. તેણે આગળ લખ્યું, “ગ્રાઉન્ડ સ્ટાફ બહાના બનાવી રહ્યો હતો અને તેમનો વ્યવહાર પણ ખરાબ હતો. મારા સિવાય ત્યાં કેટલાય મુસાફરો હતા જેમને આ પ્રકારની સમસ્યાનો સામનો કરવો પડ્યો હતો. મને સમજાતું નથી કે તેમણે ફ્લાઈટને ઓવરસોલ્ડ કઈ રીતે કરી અને મેનેજમેન્ટે પણ મંજૂરી કઈ રીતે આપી? હું ઓથોરિટીને વિનંતી કરું છું કે આ મામલે તેઓ ત્વરિત કાર્યવાહી કરે જેથી જે અનુભવ મને થયો છે તેમાંથી બીજું કોઈ પસાર ના થાય.” ઈરફાને આ પોસ્ટ સાથે કેપ્શન લખ્યું છે કે, “અપેક્ષા છે કે તમે આના પર ધ્યાન આપશો અને સુધારો કરશો.”